මෙම වසරේ මේ දක්වා කාලයේදී මෙරට මුහුදු සීමාව තුළ අනවසර ධීවර කටයුතු කළ ඉන්දීය ධීවර යාත්රා 33 ක් සමගින් ඉන්දීය ධීවරයන් 220 ක් භාරයට ගෙන ඇති බව නාවික හමුදාව පවසනවා.
විදේශීය ධීවර යාත්රා මෙරට මුහුදු සීමාව උල්ලංඝනය කරමින් කරන නීති විරෝධී ධීවර කටයුතු මැඩපැවැත්වීම සහ දේශීය ධීවර ප්රජාවගේ ජීවනෝපාය ආරක්ෂා කිරීම වෙනුවෙන් නාවික හමුදාව නිරන්තර මෙහෙයුම් කරන බවද නාවික හමුදාව ප්රකාශ කළා.
මෙරට මුහුදු සීමාව තුළ අනවසර ධීවර කටයුතු කළ ඉන්දීය ධීවර යාත්රා මෙරට මුහුදු සීමාවෙන් ඔබ්බට පලවා හැරීම සඳහා ශ්රී ලංකා නාවික හමුදාව පේදුරුතුඩුවට ඔබ්බෙන් වූ මෙරට මුහුදු ප්රදේශයේ කළ විශේෂ මෙහෙයුමේදී මෙරට මුහුදු සීමාව තුළ අනවසර ධීවර කටයුතු සිදුකළ ඉන්දීය ධීවර යාත්රා දෙකක් සමඟ ඉන්දීය ධීවරයින් 25 ක් ඊයේ රාත්රියේ භාරයට ගත් බවයි.
නාවික හමුදාව වැඩි දුරටත් සඳහන් කළේ, භාරයට ගත් ඉන්දීය ධීවර යාත්රා දෙක සහ ධීවරයින් 25 කන්කසන්තුරය වරාය වෙත රැගෙන ඒමෙන් පසුව ඉදිරි නීතිමය කටයුතු සඳහා යාපනය ධීවර පරීක්ෂක කාර්යාලයට භාරදීමට නියමිත බවයි.