කොවිඩ් ඩෙල්ටා ප්රභේදය ආසාදනය වූ 38 දෙනෙකු මේ වනවිට මෙරටින් හඳුනාගෙන ඇති බව සෞඛ්ය සේවා අධ්යක්ෂ ජනරාල් වෛද්ය අසේල ගුණවර්ධන මහතා පවසනවා.
දෙමටගොඩ, යාපනය, පිළියන්දල, මන්නාරම, බොරැල්ල සහ කොළඹ ඉදිකිරිම් ස්ථානවලින් එම රෝගීන් සොයාගත් බවයි ඔහු සඳහන් කරන්නේ.
ඔවුන්ගේ ආශ්රිතයින් හා ඩෙල්ටා ප්රභේදය අසාදනය වූවන් තහවුරු කර ගැනීම සඳහා තවදුරටත් පරීක්ෂණ ක්රියාත්මක බවත් ඔහු පවසනවා.
මේ අතර, මාරාන්තික ‘ඩෙල්ටා’ ප්රභේදය රට තුළ ව්යාප්තව පැවතීම දැඩි අවදානම් සහිත තත්ත්වයක් බව රජයේ වෛද්ය නිලධාරීන්ගේ සංගමය අවධාරණය කරනවා.
එන්නතකට ඔරොත්තු නොදෙන විකෘති කොවිඞ් ප්රභේද හමුවී ඇති නිසා එන්නත්කරණය පිළිබඳව පමණක් විශ්වාසය තබා කටයුතු කිරීම අනුවණ කි්රයාවක් බවත් මෙරට තුළ මේ වන විට පවත්වාගෙන යන සංචරණ සීමා මේ ආකාරයෙන්ම පවත්වාගෙන යනවා දැයි පවතින තත්ත්වය විශ්ලේෂණය කර තීරණයක් ගැනීමට රජය කි්රයාකළ යුතු බවත් එම සංගමයේ සහකාර ලේකම්, වෛද්ය නවින් ද සොයිසා මහතා පවසනවා.
රට පුරා සැලකිය යුතු පිරිසකට කුමන හෝ එන්නතක් ලබා දුන්නද නිසි සෞඛ්ය මාර්ගෝපදේශයන්ගෙන් මිදී කටයුතු කළහොත් නැවත විශාල ‘කොවිඞ් පොකුරු’ මතුවීමේ අවදානමක් පවතින බවයි එම සංගමය පෙන්වා දෙන්නේ.