ඉන්ධන අරපිරිමැස්මෙන් භාවිත කරන්නැයි අමාත්‍ය උදය ගම්මන්පිල මහතා ජනතාවගෙන් ඉල්ලා සිටියි.
ඖෂධ හා ප්‍රතිශක්තීකරණ එන්නත් වැනි අත්‍යාවශ්‍ය භාණ්ඩ ගේන්වීම සඳහා සීමිත විදේශ විනිමය ඉතිරි කරගත යුතු බවයි ඒ මහතා පවසන්නේ.
රට විදේශ විනියම අර්බුදයක සිටින බවත් මුල් මාස හයේ ආනයන වියදමෙන් සියයට 18ක් ඉන්ධන සඳහා වැය වී ඇති බවත් සිය ට්විටර් ගිණුමේ සටහනක් තබමින් අමාත්‍යවරයා පවසනවා.
ඔහුගේ සටහන පහතින්,
“තිත්ත ඇත්ත නම් අපි ඉන්නේ විදේශ විනිමය අර්බූදයකයි. 2021 මුල් මාස හයේ ආනයන වියදමෙන් 18%ක් වැය වුණේ ඉන්ධන සඳහාය. අවසන් මාස හයේ එය 25%ක් පමණ වීමටත් ඉඩ තිබේ.
ඖෂධ සහ ප්‍රතිශක්තිකරණ එන්නත් වැනි අත්‍යාවශ්‍ය භාණ්ඩ සඳහා සීමිත විදේශ විනිමය ඉතිරි කර ගැනීමට ඉන්ධන අරපිරිමැස්මෙන් භාවිතා කරමු.”
