විශේෂ අවශ්‍යතා සහ නිදන්ගත රෝග සහිත දරුවන් වෙනුවෙන් කොවිඩ් ප්‍රතිශක්තිකරණ එන්නත් ලබාදීමේ දීප ව්‍යාප්ත වැඩසටහන අග්‍රාමාත්‍ය ආර්යා ශිරන්ති රාජපක්ෂ මහත්මියගේ ප්‍රදානත්වයෙන් කොළඹ රිජ්වේ ආර්යා ළමා රෝහලේදී අද (24) ආරම්භ කෙරුණා.
විශේෂ අවශ්‍යතා සහිත දරුවන් සහ නිදන්ගත රෝග සහිත දරුවන්ට ප්‍රමුණතාව ලබාදෙමින් කොවිඩ් 19 වැළදීමේදී ඇතිවන සංකූලතා සහ මරණ අවම කර ගැනීමේ අරමුණ ඇතිව වයස අවුරුදු 12 – 19 අතර ළමයින්ට ෆයිසර් එන්නත ලබාදීම මෙහිදී සිදුකිරීමට නියමිතයි.
කොළඹ, කුරුණෑගල, අනුරාධපුරය යන දිස්ත්‍රික්කවල විශේෂ අවශ්‍යතා සහිත දරුවන් සහ නිදන්ගත රෝග සහිත දරුවන් හට පළමුව එන්නත්කරණ වැඩසටහන ආරම්භ කර තිබෙනවා.
සෞඛ්‍ය අමාත්‍යාංශය පවසන්නේ එය ලබන සතියේ සිට දීප ව්‍යාප්තව සිදුකෙරන බවයි.
