ගිය වසරේ විශාල පිරිසක් දරුවන් සෑදීම පස්සට දාලා..! – ජනලේඛන හා සංඛ්‍යලේඛන දෙපාර්තමේන්තුව

පෙර වසර හා සැසඳීමේදී 2021 වසරේදී මෙරට සිදුවූ දරු උපත්වල අඩුවක් දක්නට ලැබෙන බව ජනලේඛන හා සංඛ්‍යලේඛන දෙපාර්තමේන්තුව ප්‍රකාශ කරනවා.

2021 වසරේදී දරු උපත් 284,848 ක් සිදුව ඇති අතර, 2020 වසරේදී සිදුව ඇති දරු උපත් සංඛ්‍යාව 301,706 ක්. ඒ අනුව, පෙර වසරට සාපේක්ෂව 2021 වසරේ දී දරු උපත් සිදුව ඇත්තේ 16,858 ක් අඩුවෙන්.

කොරෝනා වෛරස ව්‍යාප්තිය සමඟ මෙලෙස දරු උපත් සංඛ්‍යාවේ අඩුවීමක් දක්නට ලැබෙන්නට ඇති බවටයි විශ්වාසය පළ කෙරෙන්නේ.

2021 වසරේදී වැඩිම දරු උපත් සංඛ්‍යාවක් සිදුව ඇත්තේ කොළඹ දිස්ත්‍රික්කයේ වන අතර, එම සංඛ්‍යාව 42,258 ක්. මහනුවර දිස්ත්‍රික්කයේ දරු උපත් 21,643 ක් සිදුව ඇති අතර, ගම්පහ දිස්ත්‍රික්කයේ 19,439 ක්, ගාල්ල දිස්ත්‍රික්කයේ 16,407 ක් ලෙස දරු උපත් සිදුව තිබෙනවා.