නිවසක පැරණි අබලන් තාප්පයක් කඩා වැටීම නිසා වයස අවුරුදු එකයි මාස නවයක කුඩා දරුවකු මුලතිව් සිලාවත්ත ප්රදේශයේ දී ඊයේ (04) මියගොස් තිබෙනවා
මෙම දරුවා පියා සමග සෙල්ලම් කරමින් සිටියදී ළමයා කකුලක් තාප්පයේ තබා ඉහලට නැගීමට උත්සහ කළ අවස්ථාවේදී තාප්පයේ කොටසක් ළමයාගේ සිරුර මතට ඇද වැටීමෙන් ඔහු මරණයට පත්ව ඇති බවයි වාර්තා වන්නේ.
මෙසේ මියගොස් ඇත්තේ මුලතිව් සිලාවත්ත ප්රදේශයේ පදිංචි එමානුවෙල් දර්ශන් සාධුසන් නැමති පිරිමි දරුවෙක්.
තාප්පයට යට වීමෙන් පසුව වහාම එම ළමයාව මුලතිව් රෝහල වෙත රැගෙන ගොස් ඇති අතර ඔහුගේ තත්ත්වය අසාධ්ය බැවින් යාපනය ශීක්ෂණ රෝහල වෙත රෝගියා මාරු කර යවා තිබෙන අතර එම රෝහලේ ප්රතිකාර ලබමින් සිටින අතරවාරයේ දී අදාළ දරුවා මියගොස් තිබෙනවා.
පශ්චාත් මරණ පරීක්ෂණය පැවැත් වූ යාපනය ශීක්ෂණ රෝහලේ අධිකරණ වෛද්ය නිලධාරී නාමසිවායම් ප්රේම්කුමාර් පවසා ඇත්තේ හුස්ම හිරවීමෙන් හා ශරීරයේ අභ්යන්තර අවයවවලට හානි සිදුවීමෙන් මෙම මරණය සිදු වී ඇති බවයි.