රක්වාන ප්රදේශයේ ලැඟුම්හලක නාන කාමරයක ගෙල වැලලාගෙන සිටි තරුණියකගේ මළ සිරුරක් පොලිසිය විසින් ඊයේ (04) දිනයේ සොයා ගෙන තිබෙනවා.
අදාළ තරුණි තරුණයෙකු සමඟ පැමිණ තිබෙන අතර එම තරුණයා ආහාර ගෙන ඒම සඳහා ලැඟුම්හලෙන් පිටතට ගොස් ඇති බවයි වාර්තා වන්නේ.
කෙසේ වෙතත් එම තරුණයා ආහාර රැගෙන නැවත ලැඟුම්හලට පැමිණෙන විට එම තරුණිය ඇඳ සිටි ඇඳුමේ කොටසකින් නානකාමරේ ගෙල වැලලාගෙන සිටි බව තරුණයා පවසා තිබෙනවා.
තරුණයා මේ පිළිබඳව ලැඟුම්හලේ සේවකයින් දැනුම් දීමෙන් අනතුරුව ඇයව රෝහල් ගත කිරීමට අදාළ තරුණයා පියවර ගෙන තිබූ බව පොලිසිය සඳහන් කළා.
මෙසේ මිය ගොස් ඇත්තේ වයස අවුරුදු 22ක් ව තරුණියක් වන අතර අනෙක් තරුණයා 23 හැවිරිදි පුද්ගලයෙක් වන බවයි වාර්තා වන්නේ.
පොලිසිය පවසා සිටියේ මෙම සිදුවීම ඝාතනයක්ද නැතිනම් සියදිවි නසා ගැනීමක්ද යන්න පිළිබඳව විමර්ශන ආරම්භ කර ඇති බවයි.