කන්තලේ, භාතියගම ප්‍රදේශයේදී එළ ගවයකු සොරා ගෙන මස් පිණිස විකිණුවේ යැයි පොලිස් කොස්තාපල්වරයකු සහ තවත් පුද්ගලයකු අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ කන්තලේ පොලිසියට අනුයුක්තව සේවය කරන එම ප්‍රදේශයේම පදිංචි පොලිස් කොස්තාපල්වරයෙක්.
පොලීසිය පවසන්නේ කන්තලේ, භාතියගම ප්‍රදේශයේ ගෙවත්තක තණ කෑම සඳහා බැඳ සිටි එළ ගවයකු මෙලෙස මෙම පොලිස් කොස්තාපල් විසින් සොරකම් කර ඇති බවයි.
එම ගෙවත්තේ බැඳ දමා සිටි ගවයා තඹලගමුව ප්‍රදේශයේ පුද්ගලයකුට මස් සඳහා විකුණා ඇතැයි පොලිසිය පවසනවා.
සිදුවීම සම්බන්ධයෙන් කන්තලේ මූලස්ථාන පොලිසිය විසින් වැඩිදුර විමර්ශන සිදු කරනු ලබනවා.
