විදුහල්පතිනියක් දණගස්වා හිරිහැර සිදුකළ බවට ඌව පළාත් ප්‍රධාන අමාත්‍ය චාමර සම්පත් දසනායකට එරෙහිව ගොනු කළ මූලික අයිතිවාසිකම් පෙත්සමක් ඊයේ (01) ඉල්ලා අස් කරගෙන තිබෙනවා.
මෙම පෙත්සම විජිත් මලල්ගොඩ, මහින්ද සමයවර්ධන සහ අර්ජුන ඔබේසේකර ශ්‍රේෂ්ඨාධිකරණ විනිසුරු මඩුල්ලක් හමුවේ කැඳවනු ලැබු තිබුණා
එහිදී දෙපාර්ශ්වයේ නීතිඥවරු අධිකරණයට දන්වා සිටියේ අදාළ සිද්ධිය දැනටමත් බදුල්ල සමථ මණ්ඩලයේ දී සමථයකට පත් වී ඇති බවයි.
ඒ් අනුව එම ඉල්ලීමට අවසර දුන් අධිකරණය පෙත්සම ඉල්ලා අස්කර ගැනීමට අවසර ලබා දි තිබෙනවා.
2018 වසරේ දී පාසලට ළමයකු ඇතුළත් කර ගැනීම ප්‍රතික්ෂේප කිරීම හේතුවෙන් තමන්ව දණගස්වා හිරිහැර සිදුකළ බවට චෝදනා කරමින් බදුල්ල දෙමළ බාලිකා විද්‍යලයේ විදුහල්පතිනිය භවානී රඝුනාදන් විසින් එවක ඌව පළාත් ප්‍රධාන අමාත්‍ය චාමර සම්පත් දසනායකට එරෙහිව මූලික අයිතිවාසිකම් පෙත්සමක් ඉදිරිපත් කර තිබුණා.
