එන්නතක් ලබාදීමෙන් පසුව රෝගාතුරව වූ බවට පැවසෙන මාස 4ක් වයසැති බිලිඳියක් ඊයේ (16) මියගොස් ඇති බව වාර්තා වනවා.
කුලියාපිටිය මූලස්ථාන පොලීසිය කියා සිටියේ කුලියාපිටිය ඉහළ ගොමුගොමුව ප්‍රදේශයේ පදිංචිව සිටි බිලිඳියක් මෙලෙස මියගොස් ඇති බවයි.
කටින් සේම වැගිරීම හා හුස්ම ගැනීමේ අපහසුතාවය හේතුවෙන් මෙම දැරිය කුලියාපිටිය රෝහලට ඇතුළත් කිරීමේදී මියගොස් ඇති බව සඳහන්.
පසුගිය 15 වනදා හෙට්ටිපොළ සෞඛ්‍ය වෛද්‍ය නිලධාරී කාර්යාලය මඟින් මාස 4කට වරක් ලබාදෙන එන්නතක් මෙම බිලිඳියට ලබාදී තිබෙනවා.
ඉන්පසු දින මෙම අසනීප තත්ත්වය ඇති වූ බවයි දැරියගේ පියා පොලීසිය වෙත ප්‍රකාශයක් ලබාදෙමින් සඳහන් කර ඇත්තේ.
කුලියාපිටිය මූලස්ථාන පොලීසිය සිද්ධිය සම්බන්ධයෙන් වැඩිදුර පරීක්ෂණ සිදු කරනු ලබනවා.
