ලබන වසරේ ජනවාරි මාසයේ සිට ආරක්ෂක අමාත්‍යාංශ ලේකම් ධුරයෙහි වෙනසක් සිදුවනු ඇති බව දේශපාලන ආරංචිමාර්ග පවසනවා.
ඒ අනුව දැනට එම ධුරය දරණ විශ්‍රාමික ජනරාල් කමල් ගුණරත්න මහතා වෙනුවට වෙනත් ප්‍රබල පුද්ගලයකු එම ධුරයට පත්කෙරෙනු ඇති බව සඳහන්.
කමල් ගුණරත්න මහතාගේ ක්‍රියාකලාපය ගැන පාර්ලිමේන්තුවේදීද අවස්ථා කිහිපයකදී දැඩිව විවේචනයට ලක්වුණා.
වරෙක පාර්ලිමේන්තු මන්ත්‍රී චන්දිම වීරක්කොඩි මහතා පැවසුවේ ආරක්ෂකයන් හා සුනඛයින් පිරිවරාගෙන කමල් ගුණරත්න මහතා ටොරින්ටන් චතුරස්‍රයේ උදෑසන ව්‍යායාම සිදුකරන බවයි.
මීට අමතරව ජනතා විමුක්ති පෙරමුණට සහය දක්වන විශ්‍රාමික හමුදා නිලධාරීන්ට බලපෑම් එල්ල කිරීම සම්බන්ධයෙන්ද පසුගියදා පාර්ලිමේන්තුවේදී අනුර කුමාර දිසානායක මහතා කමල් ගුණරත්න මහතාව දැඩිව විවේචනය කළා
