රාවය පුවත්පතේ හිටපු ප්‍රධාන කතෘ ජ්‍යෙෂ්ඨ මාධ්‍යවේදී වික්ටර් අයිවන් මහතාට එරෙහිව මහරගම පොලීසිය වෙත පැමිණිල්ලක් ඉදිරිපත් කර තිබෙනවා.
ඒ රාවය පුවත්පතේ අධ්‍යක්ෂ හා ප්‍රධාන කතෘ විමලනාත් වීරරත්න මහතා විසින්.
පැමිණිල්ල මඟින් ඔහු සදහන් කර ඇත්තේ වික්ටර් අයිවන් මහතා විසින් තමන්ගේ නම සදහන් කරමින් ෆේස්බුක් සමාජ ජාල මාධ්‍යයේ ව්‍යාජ සටහනක් තබා ඇති බවයි.
අදාල සටහන මඟින් වික්ටර් අයිවන් මහතා චෝදනා කර ඇත්තේ රාවය පුවත්පතේ භාණ්ඩාගාරය කඩා ගිණුම් අංශයට බලහත්කාරයෙන් ඇතුළු වී මුදල් සේප්පුව විවෘත කර කොමර්ෂල් බැංකුවට චෙක්පතක් යවා මුදල් කර ගැනීමට විමලනාත් වීරරත්න මහතා උත්සහ කර ඇති නමුත් එය ව්‍යාර්ථ වී ඇති බවයි.
මෙම චෝදනාව සාවද්‍ය බැවින් ඒ පිළිබදව කඩිනනමින් විමර්ශනයක් සිදුකරන ලෙස අදාල පැමිණිල්ලෙන් විමලනාත් වීරරත්න මහතා ඉල්ලා තිබෙනවා.
