මත්ද්රව්ය සඳහා ඇබ්බැහිවූවන් ඉන් මිදීම වෙනුවෙන් ප්රථිකාර, පුනරුත්ථාපනය සහ උපදේශනය වෙත ස්වේච්ඡාවෙන් ඉදිරිපත් වීම සඳහා ක්ෂණික දුරකථන අංකයක් හඳුන්වා දී තිබෙනවා.
ඒ අනුව, විෂ මත්ද්රව්ය හා අන්තරායකර ඖෂධ භාවිතය වළක්වාලීම සඳහා වන කාර්යය සාධක බළකාය විසින් හඳුන්වා දී ඇති 1927 නමැති අංකය මඟින් තම අනන්යතාවය හෙළි නොකර තොරතුරු දැන ගැනීමට හැකියාව පවතිනවා.
මෙම විශේෂ වැඩපිළිවෙල හඳුන්වාදීම සහ ඒ සම්බන්ධ මාධ්ය දැනුවත් කිරීමේ සාකච්ඡාවක්, ඊයේ (26) විෂ මත්ද්රව්ය හා අන්තරායකර ඖෂධ භාවිතය වළක්වාලීම සඳහා වන කාර්යය සාධක බළකායේ සභාපති වශයෙන් කටයුතු කරනු ලබන, නාවික හමුදාපති වයිස් අද්මිරාල් ප්රියන්ත පෙරේරා ගේ ප්රධානත්වයෙන් කොළඹ ප්රදීපාගාර අවන්හල පරිශ්රයේදී පැවැත්වුණා.
එහිදී හඳුන්වාදුන් 1927 දරණ ක්ෂණික දුරකථන අංකය මඟින්, මත්ද්රව්ය සඳහා ඇබ්බැහිවූවන්ට පමණක් නොව ඔවුන්ගේ පවුල් වල සාමාජිකයන් හටද තොරතුරු ලබාගැනීමේ අවස්ථාව හිමි වෙන බව වැඩිදුරටත් වාර්තා වෙනවා.