නෝටන්බ්‍රිජ් – මස්කෙළිය ප්‍රධාන මාර්ගයේ කිරිවන්එළිය පතන ප්‍රදේශයෙන් ප්‍රධාන මාර්ගය නායයෑමකට ලක්ව තිබෙන බවට වාර්තා වනවා.
නෝටන්බ්‍රිජ් ප්‍රදේශයට ඇද හැලෙන අධික වර්ෂාවත් සමග අද (04) උදෑසන මෙම නායයෑම සිදුව තිබෙනවා.
එම මාර්ගයේ ගමන් ගත් වාහන ධාවනය කිරීමේ දී මාර්ගයේ බෑවුම් ප්‍රදේශයෙන් රථ වාහන ධාවනය නොකරන ලෙසට පොලීසිය රියදුරන්ට දැනුම්දීමක් සිදුකරනවා.
එම මාර්ගයේ ස්ථාන කිහිපයක නායයෑමේ සහ පස්කදු කඩා වැටීමේ අවධානමක් පවතින බැවින් රථ වාහන ධාවනයේ දී සැලකිලිමත් වන ලෙස ද පොලීසිය වැඩිදුරටත් සඳහන් කරනවා.
