ගාල්ල – අක්මීමන පොලිස් බලප්රදේශයේ තොටගොඩ කුරුන්දකන්ද ප්රදේශයේදී අද (09) අලුයම තියුණු ආයුධයකින් පහරදී පුද්ගලයෙක්ව ඝාතනය කර තිබෙනවා.
එම පුද්ගලයා සිය නිවස තුළ නිදා සිටියදී කඩුවකින් පහරදී තිබුණා.
දැනට ප්රදේශයෙන් පැනගොස් ඇති සැකකරු විසින් මියගිය පුද්ගලයාගේ වැඩිමහල් සහෝදරයාට ද කඩු ප්රහාරයක් එල්ලකර ඇති අතර ඔහු තුවාල ලබා ගාල්ල කරාපිටිය ශික්ෂණ රෝහලට ඇතුළු කර තිබෙනවා.
මෙලෙස මියගොස් ඇත්තේ, තොටගොඩ කුරුන්දකන්ද ප්රදේශයේ පදිංචිව සිටි 43 හැවිරිදි හික්කඩුව කෝරලගේ ප්රසන්න කුමාර නොහොත් හිච්චි මල්ලි නමැති තිදරු පියෙක්.
මෙම ඝාතනය සිදුකළ සැකකරු හඳුනාගෙන ඇති බවයි පොලීසිය පවසන්නේ.
පොලිසිය වැඩිදුරටත් පවසන්නේ, මත්ද්රව්ය ජාවාරමක ගැටුමක් හේතුවෙන් මෙම ඝාතනය සිදුකර ඇති බවට කරුණු වාර්තා වී තිබෙන බවයි.