කොවිඩ් 19 වෛරසයට සමාන වෛරසයක් ඉන්දියාවේ ප්‍රාන්ත කිහිපයක මේ දිනවල පැතිර යමින් පවතිනවා.
එරට සෞඛ්‍ය අමාත්‍යාංශය නිවේදනයක් නිකුත් කරමින් කියා සිටින්නේ තද උණ, හිසරදය සහ කල්පවතින කැස්ස මෙම වෛරසයේ ප්‍රධාන රෝග ලක්ෂණ බවයි.
ඉන්දියාවේ ප්‍රාන්ත කිහිපයකින් වෛරසය ආසාධිතයින් හමුවීම සමඟ මේ සම්බන්ධයෙන් පුළුල් අධ්‍යයනයක් ආරම්භ කර තිබෙනවා.
එම අධ්‍යයනයේ දී අනාවරණය වී ඇත්තේ ‘ඉන්ෆ්ලුවෙන්සා’ වෛරසයට අයත් ‘එච්3එන්2’ උප ප්‍රභේදය බවයි.
අනෙක් ‘ඉන්ෆ්ලුවෙන්සා’ ප්‍රභේද මෙන් නොව මෙම වෛරස ප්‍රභේදය ඉතා දරුණු එකක් බවයි එම වෛද්‍ය කණ්ඩායම් පෙන්වා දෙන්නේ.
වෛරසය ආසාධිත බොහෝ පිරිසක් ස්වසන ආබාධ ඇති වීම හේතුවෙන් රෝහල්ගත වී ප්‍රතිකාර සඳහා මේ වන යොමුව තිබෙනවා.
වෛරසයේ සෙසු ලක්ෂණ වෛද්‍යවරුන් සඳහන් කරන්නේ තද උණ, හිසරදය සහ කල්පවතින කැස්සට අමතරව, පාචනව, සිරුරේ වේදනාව, උගුරේ ආසාදන, වමනය, කැරකිල්ල සෙසු රෝග ලක්ෂණ බවයි.
ඉන්දීය සෞඛ්‍ය අමාත්‍යාංශය වැඩිදුරටත් පෙන්වා දෙන්නේ නිතර දෑත් පිරිසිදුව තබා ගැනීම, ඇස්, නාසය හෝ කට නිතර ස්පර්ශ කිරීමෙන් වැලකීම, ‘කොවිඩ් 19’ සමයේ මෙන් මුහුණු ආවරණ පැලඳීමට හුරුවීම වැනි නිසි සෞඛ්‍ය පුරුදු අනුගමනය කිරීමෙන් රෝගයෙන් ආරක්ෂා විය හැකි බවයි.
