මංගල උත්සව සම්බන්ධයෙන් සෞඛ්‍ය මාර්ගෝපදේශ උල්ලංඝනය කරන සිදුවීම් බොහොමයක් මේ වන විට වාර්තා වී ඇති අතර එකී මාර්ගෝපදේශ උල්ලංඝනය කරන අයට එරෙහිව දැඩි නීතිමය පියවර ගැනීමට කටයුතු කරන බව සෞඛ්‍ය බලධාරීන් පවසනවා.
විවාහ මංගල්‍යය උත්සව, 150 දෙනෙකු හෝ සීමිත ආසන ධාරිතාවක් සහිතව පැවැත්වීමට සෞඛ්‍ය අමාත්‍යාංශය පසුගියදා අවසර ලබා දී තිබුණා.
එහෙත් බලධාරීන් පවසන්නේ මාර්ගෝපදේශ උල්ලංඝනය කර ඇති සිදුවීම් බොහොමයක් වාර්තා වී ඇති බවයි.
“මංගල උත්සව පැවැත්වීමේදී මහජනතාව සෞඛ්‍ය මාර්ගෝපදේශ පිළිපදින්නේ නැත්නම් මංගල උත්සව පොකුරක්” ඇතිවීමේ හැකියාවක් පවතින බව යුද හමුදාපති ජෙනරාල් ශවේන්ද්‍ර සිල්වා මහතා ද ඊයේ අනතුරු අඟවමින් ප්‍රකාශ කර සිටියා.
සමහර මංගල උත්සවවලට 250 කට අධික පිරිසක් සහභාගී වූ බව වාර්තා වී ඇති බවයි සෞඛ්‍ය බලධාරීන් පවසන්නේ.
