නීතිවිරෝධි මත්පැන් සමාජගත වීම වැළැක්වීම, සුරාසල් විවෘතව තැබෙන වෙලාවන් සංශෝධනය කිරීමේ එක් අරමුණක් බව සුරාබදු දෙපාර්තමේන්තුව පවසනවා.
මුදල් අමාත්‍යාංශය පියවර ගනු ලැබුවේ, අද (09) දිනයේ සිට ක්‍රියාත්මක වන පරිදි සුරාසල් විවෘතව තැබෙන වෙලාවන් සංශෝධනය කිරීමටයි.
ප්‍රවෘත්ති සාකච්ඡාවකට එක්වෙමින් සුරාබදු දෙපාර්තමේන්තුවේ මාධ්‍ය ප්‍රකාශක, සුරාබදු කොමසාරිස් කපිල කුමාරසිංහ මහතා,
“සෑම අවස්ථාවකම අපි උත්සාහ කරනවා නියමිත ප්‍රමිතියෙන් යුතු මත්පැන් පමණක් නියමිත නිත්‍යනුකූල සැපයුම් ක්‍රම ඔස්සේ එම පාරිභෝගිකයින්ගේ අතට පත්වීමට ඇති හැකියාව වැඩි කරන්න. ඒ අනුව නීති විරෝධි කර්මාන්තයේ දැනට අපිට දකින්ට තිබෙන පිබිදීම අඩු කරන්නටත් ඒ වගේම නීති ක්‍රියාත්මක කිරීමේ කටයුතු වර්ධනය කරමින් හැකිතාක් දුරට එම කර්මාන්තය මුලින් උපුටා දැමීමටත් කටයුතු කරන්න. ඒ අපේක්ෂාවෙන් තමයි මේ නව වෙලාවන් සංශෝධනය කරලා තියෙන්නේ. “
