රුසියානු-යුක්රේන් යුද්ධය සදහා මෙරට විශ්රාමික හමුදා නිලධාරින් කුලී හේවායන් ලෙස එරටට යවා මිනිස් ජාවාරම් කිරීමේ මහ මොළකරු බව පැවසෙන හිටපු මේජර් ජනරාල්වරයෙක් සහ ඔහුට සහාය දුන් හිටපු සාජන් මේජර්වරයෙක් අපරාධ පරීක්ෂණ දෙපාර්තමේන්තුවේ මිනිස් වෙළඳාම්ල ජාවාරම් සහ සමුද්රීය අපරාධ විමර්ශන කොට්ඨාසය මගින් ඊයේ (08) අත්අඩංගුවට ගනු ලැබුවා.
මෙසේ අත්අඩංගුවට ගෙන ඇත්තේ අවුරුදු 67 සහ 50 වියේ පසුවන කුරුණෑගල ප්රදේශයේ පසුවන හිටපු මේජර් ජෙනරාල්වරයකු සහ හිටපු යුද හමුදා සාජන් මේජර්වරයෙක්.
ශ්රී ලාංකිකයින් 55 දෙනෙකුගෙන් යුත් කණ්ඩායමක් යුක්රේනයේ ගැටුම් පවතින ප්රදේශවලට ප්රවාහනය කිරීමේ චෝදනාව මත කඩවත ප්රදේශයේ විදේශ රැකියා ඒජන්සියක් පවත්වාගෙන යන සැකකරුවන් දෙදෙනෙකු අපරාධ පරීක්ෂණ දෙපාර්තමේන්තුව විසින් මීට පෙර අත්අඩංගුවට ගනු ලැබුවා.