28 C
Colombo
Friday, May 20, 2022

කොවිඩ් රැලි ගැන කලින්ම කියන කෘතිම බුද්ධියක් පේරාදෙණියෙන්

- Advertisement -

ඉදිරි දින 10 ඇතුළත වාර්තා විය හැකි කොවිඩ් ආසාදිතයන් සහ මරණ ගණන පිළිබඳව අනාවැකි පළකරන වෙබ් අඩවියක් පේරාදෙණිය විශ්වවිද්‍යාලය විසින් නිර්මාණය කර තිබෙනවා.

AI4COVID ලෙසින් හඳුන්වන මෙම වෙබ් අඩවිය සඳහා කෘත්‍රිම බුද්ධි තාක්ෂණය උපයෝගී කරගෙන ඇති බවයි පැවසෙන්නේ.

මෙම පූර්වෝකථන ක්‍රියාවලියට අවශ්‍ය දත්ත ලබා ගැනීමේදී ශ්‍රී ලංකාවේ දත්ත වලට අමතරව ඉතාලිය, ජපානය, ඇමෙරිකාවේ ටෙක්සාස් ජනපදය සහ නයිජීරියාව වැනි රටවල අතීත කොරෝනා දත්තද යොදාගෙන ඇති බව වාර්තා වේ.

පේරාදෙණිය විශ්වවිද්‍යාලයේ විදුලි හා විද්‍යුත් ඉංජිනේරු දෙපාර්තමේන්තුවේ පර්යේෂණ ඉංජිනේරු හර්ෂණ වැලිගම්පොළ සහ උමාර් මරික්කාර් විසින් මෙය නිර්මාණය කර ඇති අතර ඉංජිනේරු පීඨයේ මහාචාර්ය ජනක ඒකනායක මහතාගේ මූලිකත්වයෙන් ජ්‍යෙෂ්ඨ කථිකාචාර්ය ආචාර්ය රොෂාන් ගොඩලියැද්ද, ආචාර්ය පරාක්‍රම ඒකනායක සහ මහාචාර්ය විජිත හේරත් යන මහත්වරුන්ගේ අධීක්ෂණය යටතේ ඔවුන් මෙය නිර්මාණය කර ඇති බවයි වාර්තා වන්නේ. එමෙන්ම, මැලේෂියාවේ තනාගා විශ්වවිද්‍යාලයේ සහයෝගීතාවද, කැනඩාවේ අන්තර්ජාතික සංවර්ධන පර්යේෂණ මධ්‍යස්ථානයේ මූල්‍ය දායකත්වයද මේ සඳහා හිමිව තිබෙනවා.

මෙලෙසින් කෘත්‍රිම බුද්ධි තාක්ෂණයෙන් ලබාදෙන තොරතුරුවල ඉහළ නිරවද්‍යතාවක් පවතින බව මෙතෙක් සිදුකළ පර්යේෂණවලින් තහවුරුවී ඇති බවත් මෙම වෙබ් අඩවිය මගින් ඉදිරි දින 10 ඇතුළත වර්ධනය වියහැකි ආසාදිතයන් සංඛ්‍යාව සහ මරණ ගණන පිළිබ්ඳව පූර්වෝකථනය කිරීමට අමතරව වසංගතය හේතුවෙන් සිදුවූ සමාජ, ආර්ථික බලපෑම පිළිබඳවත් සොයා බැලීමට හැකිවනු ඇතැයි ජ්‍යෙෂ්ඨ කථිකාචාර්ය ආචාර්ය රොෂාන් ගොඩලියැද්ද මහතා පවසනවා.

කොරෝනා පුරෝකථන ලබාදෙන වෙබ් අඩවිය පිළිබඳ විස්තර https://covid.eng.pdn.ac.lk/covid-predictions ඔස්සේ ලබාගත හැක.

RECENT ARTICLES - SINHALA

ඇමතිකම ලැබුණු හැටි හරීන් හෙළි කරයි

අද දින තමන් සහ මනූෂ නානායක්කාර මන්ත්‍රීවරයා ඇමති ධූරයන් හි දිවුරුම් දුන්නේ 19 වැනි ආණ්ඩුක්‍රම ව්‍යවස්ථා සංශෝධනය ගෙන එන බවට එකඟ වූ...

ගෝඨා ගෝ හෝම්..! – හරීන් 

ජනතා විරෝධය මධ්‍යයේත් බලයේ රැඳී සිටින ගෝඨාභය රාජපක්ෂ ගෙදර යා යුතුය යන ස්ථාවරයේ කිසිදු වෙනසක් නොමැති බව ඉඩම් හා සංචාරක අමාත්‍ය හරීන්...

මනූෂට හා හරීන්ට විනය පරීක්ෂණ

අද (20) දිනයේ අමාත්‍ය ධූර භාර ගත් මනූෂ නානායක්කාරට සහ හරීන් ප්‍රනාන්දු යන අයට එරෙහිව විනය ක්‍රියාමාර්ග ගන්නා බව සමගි ජන බලවේගයේ...

RECENT ARTICLES - ENGLISH

Senior DIG Deshabandu Tennakoon assaulted

0
Senior DIG in charge of the Western Province Deshabandu Tennakoon was assaulted by a group on Tuesday (10) afternoon.

President declares State of Emergency

0
President Gotabaya Rajapaksa has declared a state of emergency with effect from midnight today, President’s Media Division informed. The...

Yoshitha to Sue AKD

0
Yoshitha Rajapaksa, the Chief of Prime Minister's Staff said that he would file law suit against the claims made by JVP Leader...