වහාම මැතිවරණයක් පැවැත්වීමට කටයුතු කළ යුතු බව විපක්ෂ නායක සජිත් ප්‍රේමදාස පවසනවා.
වැලිඔය ප්‍රදේශයේ ඊයේ පැවති ජනහමුවකට එක්වෙමින් විපක්ෂ නායකවරයා කියා සිටියේ ආණ්ඩුවේ නොහැකියාව හේතුවෙන් අර්බුද රැසක් මේ වනවිට රට තුළ උද්ගතව ඇති බවයි.
එමෙන්ම, වව්නියාව මරවන්කුලම්, පාරතිසන් විද්‍යාලයට ඩිජිටල් පරිගණක තිර ලබාදීමේ අවස්ථාවට එක් වෙමින් ඒ මහතා පවසා සිටියේ ජනතාව අතර භේද ඇති කිරීම වත්මන් ආණ්ඩුව බලයට පත්වීම සඳහා නිර්මාණය කළ උපක්‍රමයක් බවයි.
රටේ සංවර්ධනයට එක්වන ලෙස විකල්ප දේශපාලන පක්ෂ ලෙස හඳුන්වන පක්ෂ වලටද ඔහු ආරාධනා කර සිටිනවා.
