මහජන ආරක්‍ෂක අමාත්‍යාංශයේ ලේකම්වරයා සහ ආගමන විගමන පාලක ජනරාල්වරයා රාජ්‍ය මුදල් පිළිබඳ කාරක සභාව හමුවට කැඳවා තිබෙනවා.
ඒ අනුව ඔවුන් දෙදෙනා හෙට (09) දිනයේ කැඳවීමට නියමිත බව එම කාරක සභාවේ සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා සඳහන්කර සිටියා.
හර්ෂ ද සිල්වා මහතා මේ පිළිබඳව සඳහන්කර සිටියේ සිය X ගිණුමේ සටහනක් තබමින්.
එහි වැඩිදුරටත් දැක්වෙන්නේ සමාජය තුළ දැඩි කතාබහට ලක්ව ඇති වත්මන් වීසා අර්බුදය සම්බන්ධයෙන් සිදුකෙරෙන විමර්ශනයකට අදාළව ඔවුන්ට මෙලෙස කැඳවීමක් සිදුකර ඇති බවයි.
