අර්ජුන රණතුංග මහතා අද (20) අභියාචනාධිකරණයට පැමිණ තිබෙනවා.
ක්‍රිකට් අතුරු පාලක කමිටුවට එරෙහි පෙත්සම් විභාගයට සහභාගි වීම සඳහායි.
ශ්‍රී ලංකා ක්‍රිකට් ආයතනය අත්හිටුවමින් එහි කටයුතු මෙහෙය වීම සඳහා ක්‍රීඩා අමාත්‍ය රොෂාන් රණසිංහ මහතා විසින් අතුරු පාලක කමිටුවක් පසුගියදා පත් කරනු ලැබුවා.
ශ්‍රී ලංකා ක්‍රිකට් ආයතනයේ සභාපති ෂම්මි සිල්වා මහතා විසින් රීට් පෙත්සමක් ඉදිරිපත් කිරීමටයි කටයුතු කළේ, ඊට අදාළව නිකුත් කළ ගැසට් පත්‍රය අත්හිටුවන ලෙසට ඉල්ලමින්.
එය සලකා බැලූ අධිකරණය කටයුතු කළේ, නොවැම්බර් මස 16 වනදා දක්වා අත්හිටුවීමටයි.
ඉන් අනතුරුව එය අද (20) දින දක්වා තාවකාලිවක අත්හිටුවීමට කටයුතු කළා.
