ආසියානු කුසලාන ක්‍රිකට් තරගාවලියේ අවසාන මහා තරගය ශ්‍රී ලංකාව සහ ඉන්දියාව අතර අද (17) පැවැත්වෙනවා.
අද තරඟය කොළඹ ආර්. ප්‍රේමදාස ක්‍රීඩාංගණයේදී ප.ව. 3.00 ට ආරම්භ වීමට නියමිතයි.
දැනට ආසියානු කුසලානයේ හිමිකාරීත්වය දරන්නේද ශ්‍රී ලංකා කණ්ඩායමය වන අතර 16 වැනි වරට පැවැත්වෙන ආසියානු කුසලාන ක්‍රිකට් තරඟාවලියේ අවසන් මහා තරඟය සඳහා ශ්‍රී ලංකාව මෙවර සුදුසුකම් ලබා තිබෙන්නේ එකොළොස් වැනි වතාවටයි.
ශ්‍රී ලංකාව මේ වන විට ආසියානු කුසලානය 6 වතාවක් ජයග්‍රහනය කර ඇති අතර ඉන්දියාව 7 වතාවක් එහි ශූරයන් වී තිබෙනවා.
අද තරගය සඳහා අපේක්ෂා කරන මන්දගාමී, දඟ කැවෙන තණතීරුවත් සමඟින්, ශ්‍රී ලංකාවේ හොඳම සංයුතිය වනුයේ වඩා හොඳ පිතිකරණ විකල්පයන් සමඟින් ඉන්දියාව සමග සුපිරි සිව්දෙනාගේ වටයේ තරගයේ පන්දු යැවීමේ සැලැස්ම අනුගමනය කිරීමයි. ඉනිමක ඕනෑම ස්ථානයක පන්දුව අතට ගෙන කඩුලු දවා ගැනීමට හැකි මහේෂ් තීක්ෂණ නොමැති වීම බරපතල පාඩුවක්
අක්සාර් ආබාධයකට ලක්ව සිටීම හේතුවෙන් ඔහුගේ පන්දුවාර 10 ක්‍රියාත්මක කිරීමේ විකල්පය ලෙස වොෂින්ටන් සුන්දර් වඩා සුදුසු වන්නේ වමත් පිතිකරුවන්ට එරෙහිව ඔහුගේ ඕෆ්බ්‍රේක් පන්දුවයි. කෙසේ වෙතත් තරගාවලිය පුරාම කණ්ඩායම සමග සිටි ෂර්දුල් තාකූර් ද තීරණාත්මක විකල්පයක්.
ඉන්දියාව තාකූර් සමඟ තරගයට අවතීර්ණ වීම තෝරා ගතහොත්, තුන්වන දඟ පන්දු යැවීමේ විකල්පය ලෙස තිලක් වර්මා කණ්ඩායමට ඇතුලත් වීමේ වැඩි ඉඩක් තිබෙනවා.
ශ්‍රී ලංකාව වෙනුවෙන් තීක්ෂණ වෙනුවට හොඳම විකල්පය වන්නේ පා දඟ පන්දු යවන ක්‍රීඩක දුෂාන් හේමන්තයි.
මෙය ආර් ප්‍රේමදාස ක්‍රීඩාංගණයේ දින නවයක් ඇතුළත පැවැත්වෙන හයවැනි තරගය වන අතර, තණතීරුව මන්දගාමී හා දඟ කැවෙන එකක් වනු ඇති.
අවසන් මහා තරගය සඳහා ක්‍රීඩා කිරීමට නියමිත ක්‍රීඩකයන් ලෙස,
ශ්‍රී ලංකා කණ්ඩායම:
1 කුසල් පෙරේරා, 2 පැතුම් නිශ්ශංක, 3 කුසල් මෙන්ඩිස් (WK), 4 සධීර සමරවික්‍රම, 5 චරිත් අසලංක, 6 ධනංජය ද සිල්වා, 7 දසුන් ශානක (නායක), 8 දුනිත් වෙල්ලාලගේ, 9 දුෂාන් හේමන්ත, 10 මතීෂ පතිරණ, 11 කසුන් රාජිත සහභාගි වීමට බොහෝදුරට ඉඩ තිබෙනවා.
ඉන්දියා කණ්ඩායම:
1 රෝහිත් ෂර්මා (නායක), 2 ශුබ්මන් ගිල්, 3 විරාත් කෝලි, 4 KL රාහුල් (WK), 5 Ishan Kishan / Tilak Varma, 6 Hardik Pandya, 7 Ravindra Jadeja, 8 Shardul Thakur, 9 කුල්දීප් යාදව්, 10 මොහොමඩ් සිරාජ්, 11 ජස්ප්‍රිත් බුම්රා සහභාගි වනු ඇති.
