X-Press Pearl නෞකා අනතුරින් වූ හානිවලට අදාළ එකඟතාව පිළිබඳව සාකච්ඡා කිරීම සඳහා අමාත්‍ය මණ්ඩලය පත්කළ විශේෂ කණ්ඩායම අද (17) සිංගප්පුරුව බලා පිටත්ව යාමට නියමිතව තිබෙනවා.
නීතිපති සංජය රාජරත්න මහතා එම කණ්ඩායමේ ප්‍රධානත්වය දරනු ලබනවා.
ඊට අදාළ සාකච්ඡා හෙට හා අනිද්දා පැවැත්වීමට සැලසුම් කර තිබෙනවා.
නීතිපති දෙපාර්තමේන්තුව සඳහන් කළේ නෞකා සහ රක්ෂණ සමාගම්වල නීතිඥයින් සහ නිලධාරීන් ඊට එක්වීමට නියමිත බවයි.
මේ අතර එක්ස්ප්‍රස් පර්ල් නෞකා අනතුරින් සිදුවූ හානියට අදාළ වන්දි මුදල අමෙරිකානු ඩොලර් බිලියන 6.4ක් ලෙස ගණන් බලා තිබෙනවා.
