යෝජිත විදුලි බල ක්ෂේත්‍රයේ ප්‍රතිසංස්කරණ පනත් කෙටුම්පතට කැබිනට් අනුමැතිය හිමිව තිබෙනවා.
විදුලිබල සහ බලශක්ති අමාත්‍ය කංචන විජේසේකර මහතා ට්විටර් පණිවිඩයක් නිකුත් කරමින් මේ බව සඳහන් කරනවා.
ඒ අනුව නව පනත් කෙටුම්පත ගැසට් කර අනුමැතිය සඳහා පාර්ලිමේන්තුවට ඉදිරිපත් කිරීමට නියමිතයි.
නව පනත් කෙටුම්පත පාර්ලිමේන්තුවේ අනුමැතිය ලැබීමෙන් පසු නව විදුලිබල පනත මඟින් විදුලිබල මණ්ඩල සේවා ඉවත් කිරීමටත්, විදුලිබල මණ්ඩලය ප්‍රතිව්‍යුහගත කිරීමටත්, කාර්යක්ෂමතාව, විනිවිදභාවය, වගවීම වැඩිදියුණු කිරීමටත්, විදුලි උත්පාදනය, සම්ප්‍රේෂණය සහ බෙදාහැරීම හරහා පෞද්ගලික අංශයේ සහභාගීත්වයට ඉඩ සැලසෙන බව අමාත්‍යවරයා පැවසුවා.
