කොරෝනා වෛරසය රට තුළ දරුණු ලෙස පැතිර යාමත් සමග චීනයේ රුධිර සංචිතය ද අර්බුදයකට ලක්ව ඇතැයි විදෙස් මාධ්ය වාර්තා කරයි.
එම වාර්තා අනාවරණ කරන්නේ චීනයේ පළාත් සහ නගර රැසකම රෝහල්වල රෝගීන්ට අවශ්ය පරිදි රුධිර සංචිත නොමැති බවයි.
චීනයේ Shandong පළාතේ රුධිර මධ්යස්ථානය විසින් ඉකුත් දින කිහිපයේම රතු නිවේදන නිකුත් කර ඇතැයි විදෙස් මාධ්ය වාර්තා කර ඇත.
ඒ, අත්යවශ්ය රුධිර වර්ග 02 ක සංචිත නොමැතිවීම හේතුවෙන්.
කොවිඩ් ව්යාප්තිය හා ශීත කාලගුණය හේතුවෙන් ජනයා නිවෙස්වලින් පිටතට නොපැමිණීම මෙන්ම විශ්ව විද්යාලවලට නිවාඩු ලබා දීම හේතුවෙන් රුධිර පරිත්යාගශීලීන් අඩුවීම රුධිර සංචිතය පහළ වැටීමට ඍජු බලපෑමක් එල්ල කර ඇතැයි විදෙස් මාධ්ය වාර්තා කරයි.
ඇතැම් විදෙස් මාධ්ය වාර්තා කළේ චීනයේ ඇතැම් රෝහල්වලට රුධිර සංචිත ප්රමාණවත් වන්නේ තවත් දින 03 කට පමණක් බවයි.