ඡන්ද කටේ පළාත් පාලන ආයතන වලට බෙදන්නට වෙන් කළ රුපියල් ලක්ෂ සීයක මුදල ස්මාර්ට් පන්ති කාමර ඉදිකිරීම සඳහා අධ්‍යාපන අමාත්‍යාංශයට ලබා දෙන ලෙස විපක්ෂ නායක සජිත් ප්‍රේමදාස මහතා පාර්ලිමේන්තුවේ දී පැවසුවා.
එම මුදල් වලින් ස්මාර්ට් පන්ති කාමර දහයක් හදන්නට හැකි බව අධ්‍යාපන අමාත්‍ය සුසිල් ප්‍රේමජයන්ත මහතාද පිළිගත් බව විපක්ෂනායකවරයා මෙහිදි පවසා සිටියා.
ඡන්ද කටේ තබාගෙන වැරදි වැඩ කරන්න එපා යැයි පැවසු විපක්ෂ නායකවරයා අනිවාර්යයෙන්ම එවැනි ක්‍රියා අභියෝගයට ලක් කරන බවද සඳහන් කළා.
තවදුරටත් අදහස් දැක්වු ප්‍රේමදාස මහතා,
අධ්‍යාපන අමාත්‍යතුමාට කොහෙන් වත් ආරාධනාවක් ලැබුණේ නෑ. ඒ උනත් මගෙන් නම් ආරාධනාවක් තිබෙනවා. යාලු හිතවත් කමට නෙමෙයි, ඔබතුමාගේ දැනුම කේන්ද්‍ර කරගෙනයි මා ඒ ආරාධනාව කරන්නේ”
