ඕස්ට්‍රේලියාවේ නිව් සවුත් වේල්ස් ප්‍රාන්තය තුල එරට කොරෝනා ආසාදිතයන්ගේ විශාලතම දෛනික වැඩිවීම ඊයේ (10) දිනයේ වාර්තා කරන ලදි.
බලධාරීන් අනතුරු අඟවා සිටින්නේ සති තුනක් අගුලු දමා ඇති සිඩ්නි නුවර තත්ත්වය තවදුරටත් නරක අතට හැරෙනු ඇති බවයි.
මේ සමග ශීඝ්‍රයෙන් බෝවන ඩෙල්ටා ප්‍රභේදයේ ආසාදිතයන් ගණනද 489ක් දක්වා ඉහළ ගොස් තිබේ.
ඊයේ දිනයේ වාර්තා වූ ආසාදිතයන් 26ක් සමාජය තුලින් හමුවී ඇති අතර, මේ සමග සිඩ්නි සහ අවට ප්‍රදේශවල නිරෝධායන අගුලු දැමීම් දීර්ඝ වනු ඇතැයි පැවසේ.
“ප්‍රජාව තුළ ආසාදිතයන් 26ක් සිටින බව ඔබ දන්නා විට, අපට එලැඹිය හැකි එකම නිගමනය වන්නේ තත්ත්වය යහපත් අතට හැරීමට පෙර තත්ත්වය තවත් නරක අතට හැරෙනු ඇති බවයි” යැයි ප්‍රාන්තයේ මහ ඇමතිනී ග්ලැඩිස් බෙරෙජික්ලියන් මාධ්‍ය වෙත පැවසීය.
