දෙවැනි එංගලන්ත – ශ්‍රී ලංකා එක්දින ජාත්‍යන්තර තරගය විස්තර විචාරය කිරීමේ දී ක්‍රිකට් පිතිකරුවන් “අසල්වැසියාගේ බිරිඳක්” හා සසඳන ලිංගික ප්‍රකාශයක් කිරීම සම්බන්ධයෙන් ඉන්දීය ක්‍රිකට් ක්‍රීඩක දිනේෂ් කාර්තික්ට සමාව අයැදීමට සිදුව ඇතැයි වාර්තා වේ.
36 හැවිරිදි ක්‍රිකට් ක්‍රීඩක කාර්තික් මෑතකදී විචාරකයෙකු ලෙස කටයුතු කිරීම ආරම්භ කළ අතර බොහෝ පිතිකරුවන් තමන්ගේ පිත්තට කැමති නැති බව පැහැදිලි කිරීමට උත්සාහ කළේය.
ඔහු එහිදී ප්‍රකාශ කර තිබුණේ බොහෝ පිතිකරුවන් තමන්ගේ පිත්තට කැමති නැති බවත් බොහෝ විට අනෙකෙකුගේ පිත්තට ආශා කරන බවත් ය.
පිති සැබවින්ම අසල්වැසියාගේ බිරිඳට සමාන යැයි කාර්තික් ප්‍රකාශ කර තිබුණි.
එය ඉතා පහත් රසයෙන් යුත් විහිළුවක් බව පවසමින් සමාජ මාධ්‍ය ඔස්සේ කාර්තික් වෙත විවේචන රැසක් එල්ල වූයේ ඉන් පසුවයි.
ඒ අනුව ඊයේ ඔහු සියලු දෙනාගෙන් මේ පිළිබඳ සමාව අයැද සිටි අතර සිය බිරිඳ සහ මව ද එම ප්‍රකාශය පිළිබඳ තමන් වෙත විරෝධය එල්ල කළ බව පවසන ලදී.
