අධිවේගී මාර්ග පද්ධතියේ මෙහෙයුම් කටයුතු පෞද්ගලික අංශයට පවරා දී ඇති බවට සිදු කෙරෙන ප්රකාශයන් සම්පූර්ණයෙන්ම අසත්ය බව කැබිනට් මාධ්ය ප්රකාශක අමාත්ය බන්දුල ගුණවර්ධන මහතා පවසනවා.
අද (02) පැවති අමාත්ය මණ්ඩල තීරණ දැනුම් දීමේ ප්රවෘත්ති සාකච්ඡාවකදී මාධ්යවේදියෙකූ නැඟූ ප්රශ්නයකට පිළිතුරු දෙමින් අමාත්යවරයා මේ බව සඳහන් කළා.
Sahanya Investment යනු සියයට සියයක්ම රජය සතු සමාගමක් වන අතර, එය මාර්ග සංවර්ධන අධිකාරියට සහ භාණ්ඩාගාරයට අයත් වන බව බන්දුල ගුණවර්ධන මහතා පවසා සිටියා.
මාර්ග සංවර්ධන අධිකාරිය ලාභදායී ආයතනයක් නොවන අතර එය ඉතා විශාල ණය ප්රමාණයක් ගෙවීම සම්බන්ධයෙන් අර්බුධයකට පත්ව තිබෙන බවද අමාත්යවරයා මෙහිදී ප්රකාශ කළා.
එහිදී වැඩිදුරටත් අදහස් දැක්වූ බන්දුල ගුණවර්ධන මහතා,
“ලංකාවේ ප්රතිව්යුහගත කළ යුතු ආයතන ලැයිස්තුවේ, තියෙන්නේ ඛනීජ තෙල් නීතිගත සංස්ථාව, ලංකා විදුලිබල මණ්ඩලය, එයාර් ලංකා සමාගම, මාර්ග සංවර්ධන අධිකාරිය.. ඒවා මහා දැවැන්ත අර්බුදවල තියෙන. ඒ ආයතන අර්බුදවලින් ගොඩ ඒම සඳහා උපායමාර්ගික ක්රමවේද අනුගනය කරන්න ඕන. ඒවා පුද්ගලීකරණය කරන්නේ නැහැ, කාර්යක්ෂම කරන්න අවශ්ය පියවර ගන්නවා”