විවාදයක් අතරතුර ජෝර්ජියාවේ පාර්ලිමේන්තුව තුළ ඊයේ (15) ගැටුමක් හට ගෙන තිබෙනවා.
පාර්ලිමේන්තුවේ අදහස් දක්වමින් සිටින අතරතුර ජෝර්ජියාවේ පාලක ජෝර්ජියන් ඩ්රීම් පක්ෂයේ පාර්ලිමේන්තු කණ්ඩායම් නායකයාට විපක්ෂ පාර්ලිමේන්තු මන්ත්රීවරයෙකු පහර දීමෙන් අනතුරුව මෙම ගැටුම හට ගෙන තිබුණා.
එහිදී විපක්ෂ පාර්ලිමේන්තු කණ්ඩායම සහ පාලක පක්ෂයේ පාර්ලිමේන්තු කණ්ඩායම අතර දරුණු ගුටිබැට හුවමාරුවක් සිදුව තිබෙනවා.
ජෝර්ජියාවේ විදෙස් සංවිධානවලට දැඩි සීමා පනවන “ විදේශ නියෝජිතයින්” (foreign agents) සම්බන්ධ නීතිය පිළිබඳව පැවති විවාදයක් අතරතුරදී මෙම ගැටුම හට ගෙන තිබුණා.
විදේශ අරමුදල් ලබා ගන්නා සංවිධාන විදේශීය නියෝජිතයන් ලෙස ලියාපදිංචි කිරීමට සහ දඩ මුදල් ගෙවීමට සලස්වන නීතියක් ගෙන එන බවට ජෝර්ජියන් ඩ්රීම් පක්ෂය මේ මස මුලදී නිවේදනය කර තිබෙනවා.
මෙම තීරණයට මින් පෙර මත් වූ විරෝධතා හේතුවෙන් එය අතහැර දමා මාස 13කට පසුව පාලක ජෝර්ජියන් ඩ්රීම් පක්ෂය මෙම නීතිය සම්බන්ධයෙන් යළි සලකා බැලීමට තීරණය කර තිබුණා.
