විදුලි බිල අඩු කිරීමේ යෝජනා ලබන 10 වැනි දාට පෙර ලබා දෙන ලෙස විදුලිබල මණ්ඩලයට දැනුම් දී ඇති බව මහජන උපයෝගිතා කොමිසම පවසනවා.
කොමිසමේ ප්‍රකාශකයෙකු සඳහන් කළේ, අදාළ යෝජනා මේ මස 01 වැනි දා ලබා දිය යුතු වූවත් විදුලිබල මණ්ඩලය ඒ සඳහා කල් ඉල්ලූ බවයි.
ඒ අනුව 10 වැනි දා දක්වා කල් ලබාදුන් බව කොමිසම සඳහන් කළා.
අදාළ යෝජනා ලබාදීමෙන් පසු විදුලි බිල අඩු කිරීම සඳහා වන ක්‍රියාදාමය ආරම්භ කරනු ඇති.
මහජන උපයෝගිතා කොමිසම පැවසුවේ, ඒ අනුව විදුලි බිල අඩු කිරීමේ ප්‍රතිශතයන් ජූලි මාසයේ ප්‍රකාශට පත් කරන බවයි.
