චීනයේ ෂින්ජියෑන්ග් ප්‍රාන්තයේ කපු නිෂ්පාදනය කිරීම සදහා බලහත්කාරයෙන් ශ්‍රමය ලබා ගන්නා බවට අනාවරණයවීමත් සමග මතු ඇති විරෝධතා උත්සන්න වී තිබේ.
ඒ අනුව ඇමරිකාව , කැනඩාව,බ්‍රිතාන්‍යය මෙන්ම යුරෝපයේ රටවල් රැසක චීනයේ කපු නිෂ්පාදනය මිලදී ගැනීම වර්ජනය කීරිමේ රැල්ලක් මතුව ඇතැයි වාර්තා වේ.
එම විරෝධතාවයන්ට සමිබන්ධවී සිටින මානව හිමිකම් ක්‍රියාකාරිකයන් බහුජාතික ඇගලුම් නිෂ්පාදන සමාගම් රැසකට චීන කපු මිලදී ගැනීමෙන් වළකින ලෙස බලකිරීමේ ව්‍යාපාරයක්ද ආරම්භ කර තිබේ.
මේ අතර බහුජාතික ඇගලුම් අලෙවි සමාගම් රැසක් චීනය තුළ ඇති සිය අලෙවිසැල් වසා දැමීමටද පියවර ගෙන ඇතැයි සදහන් වේ.
ඒ අනුව ස්විඩනය කේන්ද්‍රකරගත් H & M ඇගලුම් අලෙවි සමාගම චීනයේ පිහිටි සිය අලෙවි මධ්‍යස්ථාන 20 ක් පසුගිය සතියේදී වසා දැමීමට පියවර ගෙන තිබේ.
