තමා ඉල්ලා අස්වීමට සූදානම් බව රාජ්ය අමාත්ය දයාසිරි ජයසේකර මහතා පවසනවා.
ඒ, ඊයේ (08) දින ශ්රී ලංකා නිදහස් පක්ෂ මධ්යම කාරක සභා රැස්වීමෙන් අනතුරුව මාධ්ය වෙත අදහස් දක්වමින්.
ශ්රී ලංකා නිදහස් පක්ෂ පාර්ලිමේන්තු කණ්ඩායමට මේ සම්බන්ධයෙන් ප්රකාශයක් සිදු කළ බවයි රාජ්ය අමාත්යවරයා පවසන්නේ.
තමා සදාකලිකව බලයේ සිටීමටබලාපොරොත්තු නොවන බවත් පක්ෂය තීන්දු කරන්නේ නම් සුදුස්සෙකුට සිය තනතුරු භාරදී ඉවත්වීමට තමා සූදානම් බවත් මෙහිදී ඔහු ප්රකාශ කර සිටියා.
එමෙන්ම, ශ්රී ලංකා නිදහස් පක්ෂය සැහැල්ලුවට ලක් කිරීම සම්බන්ධයෙන් අදහස් දක්වමින් ඔහු පෙන්වා දුන්නේ සිය පක්ෂය නොමැති නම් වත්මන් රජය හෝ ජනාධිපතිවරයා ට බලය ලබාගැනීමට නොහැකිවනු ඇති බවයි.