තමන් විපක්ෂයේ සිටියදී සිතා සිටියේ ආණ්ඩු බලය ලබාගත් පසු ජනතාවට සිත්සේ සේවය කළ හැකි යැයි වුවත් මේ වන විට එය එසේ නොවන බවට වටහාගෙන අවසන් බවට ශ්රී ලංකා පොදුජන පෙරමුණේ පාර්ලිමේන්තු මන්ත්රී ගීතා කුමාරසිංහ මහත්මිය පවසනවා.
ඇය Youtube නාලිකාවක් සමඟ සිදුකල සම්මුඛ සාකච්ඡාවකට පිළිතුරු දෙමින් පවසා සිටියේ මෙම ආණ්ඩුවේ ක්රියාකලාපය ගැන තමන් කිසිසේත් සෑහීමකට පත් නොවන බවයි.
ඇල්පිටිය රෝහල පිළිසකර කර දෙන ලෙස සෞඛ්ය අමාත්ය පවිත්රා වන්නිආරච්චි මහත්මියට වැඳවැටෙමින් කිහිප වරක්ම ඉල්ලීම් කළද ඇය ඇල්පිටිය රෝහල වෙනුවෙන් අද වන තුරුත් කිසිවක් නොකළ බව ගීතා කුමාරසිංහ මහත්මිය පවසනවා.
පොහොර තහනමක් සිදුකර මේ වන විට ගොවීන් අසරණ කර ඇති බවත් එය ඉතාමත් මෝඩ තීරණයක් බවත් ඇය මෙහිදී සඳහන් කළා.
ආණ්ඩුවේ අභ්යන්තර කාරණා පිළිබදව ජනතාව දැනගතහොත් ජනතාව පුදුම වෙන බවත් එම රහස් තමන් හෙළි නොකරන බවත් ගීතා කුමාරසිංහ මහත්මිය වැඩිදුරටත් සදහන් කරනවා.
එම වීඩියෝ පටය පහතින්,