මහජන ආරක්ෂක අමාත්‍ය සරත් වීරසේකර මහතා හා නිරූපන ශිල්පී පියුමි හංසමාලි මහත්මිය අතර ඇතිවූ දුරකතන සංවාදය පිළිබදව අමාත්‍ය සරත් වීරසේකර මහතාගේ මාධ්‍ය ලේකම්වරයා විසින් නිකුත් කරන ලද මාධ්‍ය නිවේදනය අද හිරු ටීවී පත්තරේ විස්තරේ වැඩසටහනේදී දැඩි ලෙස විවේචනයට ලක්වුණා.
එහි නිවේදක චමුදිත සමරවික්‍රම කියා සිටියේ මෙරට ක්‍රියාන්විත සේවයේ සිටි පුද්ගලයෙක් වන සරත් වීරසේකර මහතා පියුමි හංසමාලි මහත්මිය හට ඇඳුම් සැපයීමට කටයුතු කිරීම නින්දා සහගත බවයි.
එදින ඔවුන් රැගෙන ගිය බස් රථයද ඇමතිවරයාගේ නියමයෙන් තලංගම පොලීසියේ නවත්වා ඇඳුම් පැළදුම් ගැනීමට අවස්ථාව ලබාදී රුපියල් 5000 ද ලබාදුන්නාදැයි චමුදිත සමරවික්‍රම අමාත්‍යවරයාගෙන් ප්‍රශ්න කරනවා.
තත්ත්වය එසේ තිබියදීත් පියුමි හංසමාලි මහත්මිය සිය ෆේස්බුක් ගිණුමේ සටහන් කර තිබූ පරිදි පස්සර පිහිටි නිරෝධායන මධ්‍යස්ථානයට ඇයට ඇඳුම් ගෙනවිත් දුන් වෛද්‍යවරයා හා ඔහුගේ බිරිද කවුදැයි සොයා බැලිය යුතු බවයි අදාළ වැඩසටහනේදී චමුදිත සමරවික්‍රම පෙන්වා දෙන්නේ.
සංචරණ සීමා රීති කඩකරමින් අත්අඩංගුවට ගන්නා පිරිස් පිළිබදව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා නිකුත් කරන නිවේදන මින් අනතුරුව තමන් කිසිදු විටෙක නිවේදනය නොකරන බවත් මෙම වැඩසටහනේදී ඔහු පවසනවා.
කෙසේ වෙතත් මෙම කාරණා වැඩිදවසක් ඔහුට කතාකිරීමට නොහැකිවනු ඇති බවත්, මෙරට ඉතිහාසය මතක බවත් පවසමින් ඔහු මීට පෙර මාධ්‍යවේදීන් ඝාතනය කල ආකාරය අඟවා සිටිනවා.
ඊට අදාළ දර්ශන පහත සබැදියෙන්
නිරෝධායන නීති කඩකිරීම පිළීබදව මෑත දින කිහිපයේ සිට දැඩි වේදනාවෙන් සාකච්ඡාවට බදුන් කරන චමුදිත සමරවික්‍රම මහතා කිසිදු විටෙක හිරු ටීවි ආයතනය නිරෝධායන නීති කඩකරමින් සිදුකල කිසිදු ක්‍රියාවන් හා ඒ හේතුවෙන් කලාකරුවන් රැසකට කොවිඩ් 19 වෛරසය ආසාදනය වූ ආකාරය පිළීබදව වචනයක් හෝ නොකීමද විශේෂත්වයක්.
