තමා භාරගෙන ඇත්තේ අපායට වැටුණු රටක් යැයි ජනාධිපති රනිල් වික්රමසිංහ පවසනවා.
ඔහු මේ බව සදහන් කළේ, පාර්ලිමේන්තුවේ දී අද විශේෂ ප්රකාශයක් කරමින්.
එහිදී වැඩිදුරටත් අදහස් දැක්වූ ජනාධිපතිවරයා,
“රට මෙන්ම ආර්ථිකය ගොඩනැගීමේ අභියෝගය මා භාරගත්තේ දුෂ්කර මොහොතකයි. මම කිසිම කොන්දේසියක් නැතිව රට බාරගත්තා.බයක් සැකක් නැතිව රට බාරගෙන හදන්නට හැකි බවට මට විශ්වාසයක් තිබුණා.
මෙම වසරේ ආර්ථික වර්ධනය 3%ක් වත් වේ යැයි මා සිතනවා. මේ වන විට විදේශ ශ්රමිකයන් එවන මුදල් ප්රමාණය වැඩි වී තිබෙනවා.මේ තත්ත්වය උදාකර ගන්නට හැකි වුණේ අභියෝගාත්මකව දුෂ්කර මාර්ගයේ ගමන් කිරීමට හැකිවීම නිසයි. සියලු අපවාද මැද අප වැල් පාලම තරණය කරන්නට පටන් ගෙන තිබෙනවා. රාජ්ය ආදායම වැඩිකර ගැනීම හැර වෙන කිසිම දෙයක් තිබුණේ නැහැ. රට ගොඩනගන්න නම් කවුරුන් හෝ වෙනසකට මුල පිරිය යුතුව තිබුණා.”