ජම්මු කාශ්මීර පොලිසිය මගින් දේශසීමාවට නුදුරු ප්රදේශයකදී වෙඩි තබා බිම හෙළන ලද කුඩා ප්රමාණයේ ඩ්රෝන යානය මගින් එවැනි යානා මගින් එල්ල කළ හැකි ප්රහාර පිළිබද තොරතුරු රැසක් අනාවරණය වී තිබේ.
කිලෝ විස්සක බරකින් යුත් එම යානයක් මගින් කිලෝ හයක පමණ පුපුරණ ද්රව්ය ප්රමාණයක් ප්රවාහනය කළ හැකි බවත් ඊට කිලෝ මීටර් විස්සකට ආසන්න දුරක් ගමන් කළ හැකි බවත් සදහන්.
විශේෂඥ පරීක්ෂණවලදී වැඩිදුරටත් අනාවරණය වී ඇත්තේ පැයට කිලෝමීටර් හැටක පමණ වේගයෙන් ගමන් කළ හැකි මෙම ඩ්රෝන යානාවලට තමන් පැමිණි ඉලක්කය වෙත යළිත් ආපසු ගමන් ගැනීමේ තාක්ෂණයද සතු බවයි.
චීනයේ සහ තායිවානයේ එකලස් කර ඇති මෙම යානා සදහා හොංකොංහි තාක්ෂණික උපකරණද වෙනමම සවිකර ඇති බව හෙළිවී තිබෙනවා.
පකිස්තාන පාලනය යටතේ පවතින කාශ්මීරයේ ප්රදේශවල සිට ඉන්දියාවේ ජම්මු කාශ්මීරයේ ඉලක්ක වෙත මෙවැනි කුඩා ඩ්රෝන යානා යොදාගෙන පුපුරණ ද්රව්ය බිම හෙළීම ඉන්දීය ආරක්ෂක අංශවලට දැඩි පීඩනයක් එල්ල කර ඇති බව සදහන්.
මීට සති කිහිපයක්ට පෙර එබදු යානා දෙකක් යොදාගෙන ජම්මු ගුවන් හමුදා කදවුරට පුපුරණ ද්රව්ය හෙළිමක් සිදු කර තිබූ අතර එහිදී අදාළ යානා පළාගොස් තිබුණා.
ඉන අනතුරුව මෙවැනි කුඩා ඩ්රෝන යානා මගින් එල්ල කෙරෙන ප්රහාර වළක්වා ගැනීම සදහා විශේෂ ආරක්ෂක පද්ධති ස්ථාපනය කිරීමට ද ඉන්දීය ආරක්ෂක බලධාරීන් තීරණය කළා.