කොරෝනා වෛරසයේ ව්‍යාප්තිය හමුවේ අර්බුදයට පත්ව සිටින චීනයට සහය පළ කිරීමට ඉන්දියාව සූදානමින් සිටින බව විදෙස් මාධ්‍ය වාර්තා කරයි.
ඒ අනුව ලොව විශාලතම ඖෂධ නිෂ්පාදකයින් අතර සිටින ඉන්දියාව චීනය වෙත උණ රෝගය සදහා භාවිත කරන ඖෂධ අපනයනය ඉහළ නැංවීමට සූදානම් බව එරට ඖෂධ අපනයන ප්‍රවර්ධන කවුන්සිලයේ ප්‍රධානී Sahil munjal පවසා ඇතැයි විදෙස් මාධ්‍ය වාර්තා කරයි.
ඒ සදහා ඖෂධ අලෙවි සමාගම් මේවනවිටත් ඖෂධ නිෂ්පාදකයින්ගෙන් මිළ ගණන් කැදවා ඇතැයි ද ඔහු සදහන් කර තිබේ.
චීන රජය කොරෝනා රෙගුලාසි ලිහිල් කිරීමෙන් අනතුරුව උණ සදහා ලබා දෙන ඖෂධවලට ඇති ඉල්ලුම සීග්‍ර ලෙස ඉහල ගොස් ඇත.
ඒ හමුවේ චීනයේ ඖෂධ සමාගම් සිය නිෂ්පාදන කටයුතු ඉහල දැමු අතර ප්‍රධාන පෙළේ ඖෂධ අලෙවිසැල් පාරිභෝගිකයින්ට ඖෂධ අලෙවි කිරීමේදී සීමා පැනවීමක් ද සිදු කර තිබේ.
මේවනවිට චීනය තුළ පැරසිටමෝල් සහ Ibuprofen ඖෂධය හිග බවත්, එම ඖෂධ සදහා වෙළදපල තුළ ඉහළ ඉල්ලුමක් ඇති බවත් විදෙස් මාධ්‍ය වාර්තා කරයි.
කෙසේවෙතත් ඖෂධ සැපයීම සම්බන්ධයෙන් ඉන්දියාව විද්‍යුත් තැපෑල හරහා යොමු කළ පණිවිඩයකට චීන තානාපති කාර්යාලය මෙතෙක් ප්‍රතිචාර දක්වා නැතැයි විදෙස් මාධ්‍ය වාර්තා කර ඇත.
