කොරෝනා රෝගීන් සදහා ප්රතිකාර කිරීමට යොදාගත හැකි බවට හදුනාගත් ඖෂධයකට හදිසි භාවිතය සදහා අනුමැතිය ලබාදීමට ඉන්දීය සෞඛ්ය බලධාරීන් තිරණය කර තිබේ.
මෙසේ අනුමැතිය ලබාදී ඇත්තේ මේ වනවිටත් රූමටික ආතරයිටිස් රෝගය සදහා ප්රතිකාර කිරීම සදහා භාවිතා කරන බාරිසිටිනිබ් නම් ඖෂධ පෙති වර්ගයකි.
එහි නිෂ්පාදකයන් වන නැට්කෝ ෆාර්මා සමාගම සදහන් කර ඇත්තේ පසුගිය සදුදා ඉන්දීය ඖෂධ පාලන අධිකාරියේ නියෝජිතයන් විසින් මෙම ඖෂධයට අදාළ අනුමැතිය පළ කර ඇති බවයි.
කෙසේවෙතත් මෙම අවසරය ලබාදී ඇත්තේ අසාධ්ය මට්ටමේ සිටින කෝවිඩ් රෝගීන්ට ප්රතිකාර කිරිමට යොදාගැනීමට පමණි.
මේ අනුව නැට්කෝ සමාගම විසින් ඉන්දියාව පුරා ප්රදේශ හයක පිහිටි සිය නිෂ්පාදනාගාර තුළ මෙම ඖෂධය නිෂ්පාදනය කිරීම වේගවත් කර ඇති බව එරට වාර්තා සදහන් කරයි.