“ත්රස්තවාදී සංවිධානවල මෙහෙයුම් හඳුනා ගැනීමට, කඩාකප්පල් කිරීමට සහ පරිහානියට පත් කිරීමට ඉන්දීය රජය සැලකිය යුතු උත්සාහයක් දරා ඇති බව” එක්සත් ජනපද ත්රස්ත මර්දන කාර්යාංශයේ 2021 වාර්තාවේ සඳහන් වේ.
එම වාර්තාවට අනුව ජම්මු කාශ්මීර කොටස, නිරිත දිග ඉන්දියාවේ ප්රාන්ත සහ මධ්යම ඉන්දියාවේ ඇතැම් ප්රදේශ 2021 වසරේදී ත්රස්ත බලපෑමට ලක්ව තිබේ.
ලෂ්කර් ඊ තායිබා, ජයිෂ් ඊ මොහොමඩ්, හිස්බුල් මුජහයිඩීන්, ISIS, අල්කයිඩා, ජමාත් උල් මුජහියිඩීන් සහ ජමාත් උල් මුජහයිඩීන් – බංග්ලාදේශ් ඉන්දියාවේ සක්රීය ත්රස්ත කණ්ඩායම් වේ.
2021 දී ත්රස්තවාදීන්ගේ උපක්රමවල වෙනසක් නිරීක්ෂණය වී ඇත. සිවිල් වැසියන්ට ප්රහාර එල්ල කිරීම සහ ගුවන් හමුදා කඳවුරකට ඩ්රෝන යානා යොදා ගනිමින් ප්රහාරයක් එල්ල කිරීම එම නව උපක්රමවලට ඇතුලත් වේ.
2021 ඔක්තෝම්බර් මාසයේදී එක්සත් ජනපදය හා ඉන්දියාව, ත්රස්ත විරෝධී ඒකාබද්ධ ක්රියාකාරී කණ්ඩායමේ 18 වැනි රැස්වීම පැවැත්වූ අතර, 2021 නොවැම්බර් මාසයේදී, ඉන්දියාව ඕස්ට්රේලියාව සහ ජපානය සමඟ දෙවන Quad ත්රස්ත මර්ධන අභ්යාසය පැවැත්වීය.
‘2021 ත්රස්තවාදය පිළිබඳ වාර්තාවට අනුව, ඉන්දියාව ත්රස්තවාදී විමර්ශනවලට අදාළ තොරතුරු සඳහා එක්සත් ජනපද ඉල්ලීම්වලට ක්ෂණිකව ප්රතිචාර දක්වන අතර එක්සත් ජනපද තොරතුරුවලට ප්රතිචාර වශයෙන් තර්ජන අවම කිරීමට උත්සාහ කරයි.