බැසිල් රාජපක්ෂ මහතාට පාර්ලිමේන්තු මන්ත්‍රී ධූරය ලබාගැනීම සඳහා සිය පාර්ලිමේන්තු මන්ත්‍රී ධුරයෙන් ඉල්ලා අස්වූ ජයන්ත කැටගොඩ මහතා ශ්‍රී ලංකා රක්ෂණ සංස්ථාවේ නව සභාපතිවරයා ලෙස පත් කරමින් භාණ්ඩාගාර ලේකම්වරයා විසින් විසින් ලිපියක් නිකුත් කර තිබෙනවා.
කෙසේ වෙතත් මේ වන විටත් රක්ෂණ සංස්ථාවේ සභාපති ධූරය අර්බුදකාරී තත්ත්වයක පවතිනවා.
රක්ෂණ සංස්ථාවේ සභාපතිවරයා ලෙස කටයුතු කළ ජගත් වැල්ලවත්ත මහතා එම ධූරයෙන් ඉවත් කොට එහි නව සභාපතිවරයා ලෙස පසුගිය 19 වනදා විජිත හේරත් මහතාව නව සභාපතිවරයා ලෙස ගෝඨාභය රාජපක්ෂ මහතා විසින් පත් කරනු ලැබූවා.
කෙසේ වෙතත් ජගත් වැල්ලවත්ත මහතා තවදුරටත් එම ධූරයේ රැදී සිටිමින් කටයුතු කිරීම නිසා මේ වන විට මතභේදාත්මක තත්ත්වයක් ඇතිව තිබෙනවා.
කෙසේ වෙතත් මෙවැනි තත්ත්වයක් තුළදී භාණ්ඩාගාර ලේකම්වරයා විසින් ලිපියක් යොමුකරමින් දැනුම්දී ඇත්තේ වහාම ක්‍රියාත්මක වන පරිදි ජයන්ත කැටගොඩ මහතා ශ්‍රී ලංකා රක්ෂණ සංස්ථාවේ අධ්‍යක්ෂ මණ්ඩලයටත් සභාපති ධුරයට පත් කරන ලෙසයි.
