පුරවර විශ්වවිද්යාල වැඩසටහන හරහා දැනුමෙන් හා වෘත්තීය කුසලතාවයෙන් පිරි අනාගත පුරවැසියෙකු නිර්මාණය කෙරෙන බව නිපුණතා සංවර්ධන, වෘත්තීය අධ්යාපන හා නව නිපැයුම් රාජ්ය අමාත්ය විශේෂඥ වෛද්ය සීතා අරඹේපොළ මහත්මිය පවසනවා.
ඒ, පුරවර විශ්වවිද්යාල වැඩසටහන සංකල්පයක් ලෙස හඳුන්වා දෙමින් නිල වෙබ් අඩවිය (www.cu.ac.lk) විවෘත කිරීම “ලෝක තරුණ නිපුණතා දින සැමරුම – 2021” ට සමගාමීව අද (15) පෙරවරුවේ ජනාධිපති ගෝඨාභය රාජපක්ෂ මැතිතුමා අතින් ජනාධිපති කාර්යාලයේ දී සිදු වූ අවස්ථාවේදීයි.
උසස් පෙළ විභාගයෙන් අනතුරුව විශ්වවිද්යාල ප්රවේශය සඳහා සුදුසුකම් ලබන පිරිසෙන් 80%කට විශ්වවිද්යාල ප්රවේශය අහිමි වන බවත් උසස් පෙළ සමත් එහෙත් ආර්ථික ශක්තියක් නැති, කුසලතා පූර්ණ දරුවන්ට රැකියා වෙළෙඳපොළට සරිලන උපාධියක් පිරිනැමීම පුරවර විශ්වවිද්යාල වැඩසටහනෙන් අපේක්ෂා කෙරෙන බවත් ජනාධිපති මාධ්ය අංශය සඳහන් කර සිටියි.
ඒ අනුව එහි පළමු සරසවිය කෑගල්ල දිස්ත්රික්කයේ, පින්නවල ප්රදේශය කේන්ද්ර කරගනිමින් ඉදිරි සති කිහිපය තුළදී ආරම්භ කිරීමට සැලසුම් කර තිබේ.
එමෙන්ම, ඒ ඒ දිස්ත්රික්කයන්ට ආවේණික මෙන් ම දේශීය සහ ගෝලීය රැකියා වෙළෙඳපොළට සරිලන විෂය නිර්දේශයක් මත උපාධි පාඨමාලා සැකසීම මෙහි විශේෂත්වයක් බවත් රාජ්ය අමාත්ය සීතා අරඹේපොළ මහත්මිය පවසනවා.