ඔස්ට්රේලියාවේ ඉගෙන ගැනීම සඳහා පැමිණෙන ජාත්යන්තර සිසුන් සිය වීසා ලබාගැනීමට ඔවුන් සතුව තිබිය යුතු “ඉතුරුම් මුදල” නැවතත් වැඩි කිරීමට එරට බලධාරීන් කටයුතු කර තිබෙනවා.
එමෙන්ම ඔවුන් පවසන්නේ එම ඉතුරුම් ගිණුම් සම්බන්ධයෙන් ව්යාජ තොරතුරු ලබාදී ඇති බවට හෙළිදරව් වුවහොත් දැඩි පියවර ගන්නා බවයි.
එරටට පැමිණෙන සංක්රමණයිකයින් සංඛ්යාව අඩු කිරීම අරමුණු කරගනිමින් ඔස්ට්රේලියාව මෙම තීරණය ගෙන ඇති බව ජාත්යන්තර මාධ්ය පවසනවා.
ඒ අනුව, මෙම සිකුරාදා (10) සිට ජාත්යන්තර සිසුවෙක් ඔස්ට්රේලියානු වීසා සඳහා අයදුම් කිරීමට සිය ඉතුරුම් ගිණුමේ ඔස්ට්රේලියානු ඩොලර් 29,710 ($19,576)ක් ඇති බවට තහවුරු කළ යුතුය.
පසුගිය ඔක්තෝබර් මාසයේදී එම මුදල ඔස්ට්රේලියානු ඩොලර් 21,041 සිට 24,505ක් දක්වා ඉහළ දමනු ලැබුවා.
එමෙන්ම, ඕස්ට්රේලියාවේ ශිෂ්ය වීසා සඳහා අවශ්ය වන ඉංග්රීසි භාෂා ප්රවීණතා මට්ටම්ද ඉහළ දැමීමටද එරට බලධාරීන් පසුගිය මාර්තු මාසයේදී තීරණය කර තිබුණා.