අහුංගල්ල බෝගහපිටිය ප්‍රදේශයේ පුද්ගලයෙක්ට ඊයේ (09) රාත්‍රියේ වෙඩි තබා ඝාතනය කෙරුණා.
පොලිසිය පැවසුවේ යතුරු පැදියකින් පැමිණි පුද්ගලයින් දෙදෙනෙක් මෙම වෙඩි තැබිම සිදු කර පළාගොස් තිබෙන බවයි.
මෙම වෙඩි තැබිමෙන් මියගොස් තිබෙන්නේ බෝගහපිටිය ප්‍රදේශයේ පදිංචි කීර්ති ආබෘෘ නැමති අවුරුදු 52 පුද්ගලයෙක්.
ඔහු දැනට ඩුබායිහි සැඟව සිටින සංවිධානාත්මක අපරාධකරුවකු මෙන්ම මත්ද්‍රව්‍ය ජාවාරම්කරුවකු වන නදී ආබෘෘ හෙවත් අහුංගල්ලේ බබා නැමැත්තාගේ පියා බව පොලිසිය සඳහන් කළා.
අහුංගල්ලේ බබා නැමැති අපරාධකරුගේ සහෝදරියකටද පසුගිය වසරේ ඔක්තෝම්බර් මස 21 වනදා වෙඩි තබා තිබු අතර එම වෙඩි තැබිමෙන් මාස හතරක් වයසැති බිළිදෙක් ද තුවාල ලැබුවා.
පොලිසිය පවසන්නේ පාතාල කල්ලි දෙකක් අතර කලක සිට පවතින ගැටුමක් මෙම වෙඩිතැබිමට හේතුවි ඇති බවයි.
ඝාතනයට හේතුව මෙතෙක් අනාවරණය වී නොමැති අතර සැකකරුවන් අත්අඩංගුවට ගැනීම සඳහා අහුංගල්ල පොලිසිය වැඩිදුර විමර්ශන සිදු කරනවා
