චීනයේ කෝවිඩ් ඉහළයාම හමුවේ කොවිඩ්-19 රෝගීන් හැසිරවීම සඳහා හදිසි ප්‍රතිචාරය තක්සේරු කිරීම සඳහා දෙසැම්බර් 27 වන දින රටපුරා පෙරහුරු අභ්‍යාසයක් පැවති බව ඉන්දීය රජය ප්‍රකාශ කරයි.
කොවිඩ් කළමනාකරණයට සම්බන්ධ රජයේ සහ පෞද්ගලික රෝහල් ඊට සහභාගී වී තිබේ.
ඔක්සිජන් සිලින්ඩර, ඔක්සිජන් උත්පාදන යන්ත්‍ර, වාතාශ්‍රය සහ මානව සම්පත් ඇතුළු රෝහල් යටිතල පහසුකම්වල ක්‍රියාකාරී සූදානම සහතික කිරීම සඳහා කොවිඩ් විශේෂිත පහසුකම් විගණනය කරන ලෙසට ඉන්දීය අගමැතිවරයා ප්‍රාන්තවලට පසුගියදා උපදෙස් දුන් අතර අභ්‍යාසයක් සිදු කිරීමට තීරණය කර ඇත්තේ කොවිඩ් තත්ත්වය පිළිබඳ ඉන්දීය අගමැතිගේ එම සමාලෝචන රැස්වීමෙන් දිනකට පසුවය.
මධ්‍යම රජයේ සෞඛ්‍ය අමාත්‍ය මන්සුක් මන්දවියා සියළුම ප්‍රාන්තවල සෞඛ්‍ය අමාත්‍යවරුන්ගේ රැස්වීමක් පවත්වා කොවිඩ් කළමනාකරණය සඳහා සුපරීක්ෂාකාරීව සිටින ලෙසත් සූදානමින් සිටින ලෙසත් ඔවුන්ට උපදෙස් දුන්නේය.
අභ්‍යාසය පිළිබඳ ගැටළුව ද රැස්වීමේදී සාකච්ඡා වූ අතර, එම අභ්‍යාසය සිදු කරන බවට සියලුම ප්‍රාන්ත අමාත්‍යවරයාට සහතික වූ බව පැවසේ.
