28.4 C
Colombo
Wednesday, July 9, 2025

අවු. 200ට පෙර, නිව්ටන්ගේ බල්ලා ගිනිතැබූ- පිරමීඩ් ගැන රහස් සටහන්- ඩොලර් ලක්ෂ 5ක්

- Advertisement -

ඔහු තමයි සම්භාව්‍ය භෞතික විද්‍යාවේ අත්තිවාරම් දැම්ම, චලිතයේ නියමයන් සහ ගුරුත්වාකර්ෂණ නියමය ලෝකෙට කියාදුන්න ගණිතඥයා. ඇපල් වෙනුවට පොල් ගහක් යට හිටියානං කියා අපි පන්තිවල පිටිපස්සෙ පේළිවල ඉඳන් සාප කළේ ඔහුට. අදටත් බොහෝ භෞතික විද්‍යා නියමයන් පිටිපස්සේ ඔහුගේ හෙවණැල්ල තියෙනවා.

අයිසැක් නිව්ටන් ඇල්කෙමිකාරයන් සහ පරණ ගුප්ත දේවධර්මයන්ගේ නොපෙනෙන තැන් ගැනත් අධ්‍යන කරලා තියෙනවා. බයිබලයේ හැංගිලා තියෙන කෝඩ් තියෙනවාද කියලා හොයලා, ඒ කෝඩ්වල ලොක් අරින්නත් අයිටන් උත්සාහ කරලා තියෙනවා. ඒ වගේ හොයාගැනීම් ගැන බොහෝ අය දැනගත්තේත් ඔහුගේ මරනයෙන් අවුරුදු දෙසීයකට විතර පස්සේ.

ඇල්කමිකාරයන් කියන්නේ අතීතයේ හිටපු පුදුම සෙට් එකක්. බොහෝ අය කියන විදියට ඇල්කෙමිකාරයන් උත්සාහ කළේ තඹ රත්තරන්වලට හරවන්න. බැලු බැල්මට පිස්සු අරමුණක්. ඒත්, එයාලා ඒ වෙනුවෙන් විවිධ මූලද්‍රව්‍ය ගැන ඉගෙනගත්තා. පර්යේෂණ කළා. ඒ ගැන පොත්පත් ලීවා. ඒ නිසා එයාලා ලෝකෙ පරණම රසායන විද්‍යාඥයෝ පිරිසක්.

කොහොමහරි මේවායේ තේරුම තමයි, එංගලන්තෙ රාජකීය විද්‍යා ඇකඩමියෙ හිටපු ඉහළම ලෙවල් එකේ විද්‍යාඥයෙක් වුණාට නිව්ටන් තමන්ගෙ මුතුන් මිත්තන්ගේ පරණ දැනුම ගැනත් උනන්දු වුණා කියලා.

දෙසැම්බර් 08 වැනිදා මාර එකක් වුණා. නිව්ටන්ගේ දැනටත් ප්‍රසිද්ධ නොකරපු සටහන්, බයිබල් එකේ කෝඩ් අරින්න ගත්ත උත්සාහයන් ගැන නෝට් දැන් https://www.sothebys.com/en/ කියන වෙබ්සයිට් එකේ විකුණන්න තියෙනවා. ඔහු ඊජිප්තු පිරමීඩවල හැංගිච්ච රහස් ගැනත් හෙව්වා. එයා හිතාගෙන හිටියා ලෝකයේ ගැඹුරු රහස්වලට යතුර පිරමීඩ්වල හැංගිලා තියෙනවා කියලා.  දෙසැම්බර් 08 දෙසැම්බර් 08 වැනිදා ඩොලර් ලක්ෂ 5කට වික්කා.

නිව්ටන් 1680 ගණන්වලදී කේම්බ්‍රිජ් විශ්වවිද්‍යාලයේ හිටපු අතරේ, බ්‍රිතාන්‍ය රාජකීය විද්‍යා ඇකඩමියෙදී රොබට් හූක් එක්ක වළියකට පැටලුණා. මේ දෙන්නාගේ වළිය අපේ විද්‍යා ඉතිහාසයෙ ප්‍රසිද්ධම වළියක්. කෙටියෙන් කීවොත් හූක් එක වෙලාවක කියනවා නිව්ටන්ට ගුරුත්වාකර්ෂණය ගැන තමන් කරුණු දුන්නා, නිව්ටන් ඒ ගැන නොකියා එයාගේ වාගේ ඒ තියරි එළියට දැම්මා කියලා. ඇත්ත නැත්ත කෙසේ වෙතකත් ඒ සිද්ධිවලින් පටන්ගත්ත ගැටුමක් තියෙනවා.

මේවායින් මිදිලා නිදහසේ අධ්‍යන වැඩ කරන්න කියලා එංගලන්තෙ ලින්කෂයර් පැත්තේ අයිසොලේට් වෙලා ටික කාලයක් හිටියාලු. පිරමීඩ් ගැන හොයලා තියෙන්නේ ඒ කාලෙ.

එක්තරා දවසක් නිව්ටන්ගෙ ගෙදරදී ‘බල්ලා වැඩ ඔක්කොම කෑවා.’ ජාතියෙ සිද්ධියක් වුණා. නිව්ටන්ගෙ බල්ලා ඩයමන්ඩ් මේසයක් උඩට පැනලා ඉටිපන්දමකට හේත්තුවෙච්ච නිසා, ගෙදර ගින්නක් ඇවිත්. ඒකෙන් ඔහුගේ ගොඩක් සටහන් ගින්නකට අහු වෙලා. ඩොලර් ලක්ෂ පහකට වික්ක සටහන් ටිකත් ඒ ගින්නට අහුවෙලා බාගෙට ගිනි අරන්.

මේ කොළවලින් පිරමීඩ් ගැන අලුත් මගුලක් දැනගන්න ලැබෙන එකක් නෑ. ඒත්, නිව්ටන් වගේ මනුස්සයෙක් උනන්දු වෙච්ච විෂයන් ගැන අවබෝධයක් ලබන්න පුළුවන් වෙනවා. ඒ වගේ මාර මොළයක් තිබ්බ මිනිහෙක් පිරමීඩ් ගැන හිතුවේ කොහොමද කියන එක තේරුම් ගන්න පුළුවන් වෙනවා. ඒ වගේම නිව්ටන්ගෙ හිතට වධදුන්න ප්‍රශ්න මොනවද කියන එකත්, එයා කල්පනා කරපු හැටිත් තේරුම් ගන්න පුළුවන්. චුට්ටි විද්‍යාඥයෙක් ඉන්නවානං ඒ ටික හරි වැදගත්.

හැබැයි නිව්ටන්ගෙ තව අපූරු දෙයක් තිබුණා. ඔය පරණ ආගමික විශ්වාස, ගුප්ත විද්‍යාවන්, පිරමීඩ වගේ ඒවා ගැන තමන් අධ්‍යන කරපු බව ලෝකෙට කිව්වෙ නෑ. හංගගෙන හිටියා. අපි කලිනුත් හූක් ගැන කිව්වනෙ. නිව්ටන් කියන්නෙ තමන් ජීවත්වෙලා හිටපු කාලෙම විද්‍යා ලෝකෙ ලොකු නමක් හදාගත්ත ප්‍රභූවරයෙක්. මිනිහාට බයක් තියෙන්න ඇති, ‘මේ මහලොකු විද්‍යාඥයා පරණ ගුප්ත විද්‍යාවන් ගැන හොයනවා’ කියලා අපකීර්තියට මුහුණදෙන්න වේවි කියලා.

ඒ නිසා තමයි මේ ගොඩක් අධ්‍යනයන් ගැන තොරතුරු අවුරුදු සිය ගාණක් තිස්සේ හැංගිලා තිබුණේ. දැන් මේ හිතාගන්න බැරි මිල ගණංවලට විකිණෙන්නේ.

RECENT ARTICLES - SINHALA

වාහනවල තත්වය බලන වැඩක්

වාහනවල තත්ත්ව පරීක්ෂා කිරීමේ වැඩසටහනක් ආරම්භ කිරීමට වරාය ගුවන් සේවා සහ ප්‍රවාහන හා මහාමාර්ග අමාත්‍යංශය තීරණය කර තිබෙනවා. නියෝජ්‍ය අමාත්‍ය රුවන් කොඩිතුවක්කු මහතා සඳහන් කළේ,...

කඳානේ වෙඩි තැබිමට දෙදෙනෙක් අත්අඩංගුවට

කඳාන, පොදු වෙළෙඳසැල අසලදී පුද්ගලයෙකු වෙඩි තබා ඝාතනය කර තවත් පුද්ගලයෙකුට තුවාල සිදු කිරීමේ සිද්ධියට සම්බන්ධ පුද්ගලයින් දෙදෙනෙකු අත්අඩංගුවට ගෙන තිබෙනවා. පොලීසිය පැවසුවේ ලද තොරතුරකට...

ඉන්ධන බෙදා හැරීම ගජමිතුරන්ට;බවුසර් රථ හිමිකරුවන්

ඉන්ධන බෙදා හැරීමේ කටයුතු වෙනත් පාර්ශවයක් වෙත අත්තනෝමතික ලෙස ලබාදීමට පියවර ගනිමින් සිටින් බව එක්සත් ලංකා ඉන්ධන ප්‍රවාහන බවුසර් රථ හිමිකරුවන්ගේ සංගමය පවසනවා. එම සංගමයේ...

POPULAR ARTICLES

වාහනවල තත්වය බලන වැඩක්

වාහනවල තත්ත්ව පරීක්ෂා කිරීමේ වැඩසටහනක් ආරම්භ කිරීමට වරාය ගුවන් සේවා සහ ප්‍රවාහන හා මහාමාර්ග අමාත්‍යංශය තීරණය කර තිබෙනවා. නියෝජ්‍ය අමාත්‍ය රුවන් කොඩිතුවක්කු මහතා සඳහන් කළේ,...

කඳානේ වෙඩි තැබිමට දෙදෙනෙක් අත්අඩංගුවට

කඳාන, පොදු වෙළෙඳසැල අසලදී පුද්ගලයෙකු වෙඩි තබා ඝාතනය කර තවත් පුද්ගලයෙකුට තුවාල සිදු කිරීමේ සිද්ධියට සම්බන්ධ පුද්ගලයින් දෙදෙනෙකු අත්අඩංගුවට ගෙන තිබෙනවා. පොලීසිය පැවසුවේ ලද තොරතුරකට...

ඉන්ධන බෙදා හැරීම ගජමිතුරන්ට;බවුසර් රථ හිමිකරුවන්

ඉන්ධන බෙදා හැරීමේ කටයුතු වෙනත් පාර්ශවයක් වෙත අත්තනෝමතික ලෙස ලබාදීමට පියවර ගනිමින් සිටින් බව එක්සත් ලංකා ඉන්ධන ප්‍රවාහන බවුසර් රථ හිමිකරුවන්ගේ සංගමය පවසනවා. එම සංගමයේ...