ආර්ථික අර්බුදය මධ්යයේ, පකිස්තානයේ කර්මාන්ත අංශයේ, විශේෂයෙන්ම ඇගලුම් ක්ෂේත්රයේ නිෂ්පාදන කප්පාදුව සහ සේවකයින් ඉවත් කිරීම් ඉහළ ගොස් ඇතැයි ‘ද නිව්ස් ඉන්ටර්නැෂනල්’ පුවත් සේවය වාර්තා කරයි.
එම වාර්තාවට අනුව, පාකිස්තාන සංඛ්යාලේඛන කාර්යාංශය (PBS) විසින් නිකුත් කරන ලද දත්ත පෙන්වදෙන ආකාරයට, පකිස්ථානය රෙදිපිළි අපනයනයේ අවම වශයෙන් සියයට 14.8 ක පහත වැටීමක් වාර්තාවී ඇත.
පකිස්තානයේ ජාතික වෘත්තීය සමිති සම්මේලනයේ (NTUF) මහලේකම් නසීර් මන්සූර් පවසා ඇත්තේ, මෙම අර්බුදය හේතුවෙන් මිලියන 01ක පමණ අවිධිමත් සේවකයන්ගේ රැකියා අහිමි වන බවයි.
පකිස්තානයේ අපනයනය 2023 ජනවාරි මාසයේදී ඩොලර් බිලියන 1.3 ක් වූ අතර එය 2021 ජනවාරියේ ඩොලර් බිලියන 1.5 ට සාපේක්ෂව සැලකිවයුතු පහළ යෑමකි.
“2022 ගංවතුර නිසා අපේ කපු බෝගයෙන් අවම වශයෙන් සියයට 45ක් සේදී ගියේය. ඇඟලුම් කර්මාන්තය සඳහා අත්යවශ්ය අමුද්රව්ය නොමැති විය. අනෙක් විසඳුම වන්නේ අමුද්රව්ය ආනයනය කිරීමයි, නමුත් LCs [ණයවර ලිපි] විවෘත කිරීමේ ප්රමාදය නිසා සියලුම මෙහෙයුම් නතර කර ඇත.” යැයි මන්සූර් පවැඩිදුරටත් ප්රකාශ කර ඇත.