පක්ෂ මාරුවන විට ප්රතිපත්ති මාරු කිරීම හේතුවෙන් රට ගොඩනැගීමට නොහැකි තත්ත්වයක් උදාවී ඇති බව එක්සත් ජාතික පක්ෂ නායක රනිල් වික්රමසිංහ මහතා පවසනවා.
රට ගොඩනැංවීමට නම් කුමන පක්ෂයක් බලයේ සිටියත් වෙනස් නොවන දීර්ඝකාලීන ජාතික ප්රතිපත්ති රාමුවක් සකස් කළ යුතු බවත්, එය කිසිවෙකුට වෙනස් කළ නොහැකි පරිදි නීතියෙන්ම ස්ථාපිත කළ යුතු බවත් එජාජ නායකයා අවධාරණය කර සිටිනවා.
රනිල් වික්රමසිංහ මහතා මෙම අදහස් පළකළේ පසුගියදා ඉවත් කළ එජාප පළාත් පාලන මන්ත්රීවරුන් වෙනුවට අලුතින් පත්කළ නියෝජිතයන් දිවුරුම් දීමේ අවස්ථාවට ඊයේ (28) සිරිකොත එජාප මූලස්ථානයේදී එක්වෙමින්
සමගි ජන බලවේගයට සහාය දැක්වීම හේතුවෙන් මහ නගර සභා, නගර සභා, ප්රාදේශීය සභා මන්ත්රීවරුන් 69 දෙනෙකු ඉවත් කිරීමට එජාපය තීරණය කළ අතර ඒ අතර පළාත් පාලන ආයතන ප්රධානීන් තිදෙනෙකුද විය.
මෙහිදී වැඩිදුරටත් අදහස් දැක්වූ එජාප නායකයා සඳහන් කළේ ජනතාව සියලු දේශපාලනඥයන්ව ප්රතික්ෂේප කරන තැනකට පැමිණ ඇති බවත් ඒ අනුව, සමස්ත දේශපාලන සංස්කෘතියේම වෙනසක් අවශ්ය වී තිබෙන බවත් ය.